ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ພິທີໃຕ້ໄຟໃສ່ປະຕູໄຊ ເນື່ອງໃນໂອກາດສະເຫລີມສະຫລອງ ວັນຄົບຮອບ 50 ປີ ແຫ່ງການສ້າງຕັ້ງອາຊຽນ ແລະ ຄົບຮອບ 20 ປີ ທີ່ ສປປ ລາວ ເຂົ້າເປັນສະມາຊິກອາຊຽນ

 

pertfai1

pertfai2

 

ເພື່ອ​ເປັນ​ການສະ​ເຫລີ​ມສະຫລອງສອງ​ວັນສໍາຄັນ​ຄື: ວັນ​ຄົບຮອບ 50 ປີ ​ແຫ່ງ​ການ​ສ້າງ​ຕັ້ງ​ອາ​ຊຽນ (8 ສິງຫາ 1967- 8 ສິງຫາ 2017) ແລະ ຄົບຮອບ 20 ປີ ທີ່ ສປປ ລາວ ​ເຂົ້າ​ເປັນ​ສະມາຊິກ​ອາ​ຊຽນ (23 ກໍລະກົດ 1997-23 ກໍລະກົດ 2017) ໃນ​ວັນ​ທີ 8 ສິງຫາ 2017, ​ເວລາ 19:00 ໂມງ, ສປປ ລາວ ໄດ້​ຈັດ​ພິທີ​ໃຕ້ໄຟ​​ໃສ່​ປະຕູ​ໄຊ ​ ພາຍ​ໃຕ້​ການ​ເປັນ​ປະ​ທານ​ຂອງ ທ່ານ ອາ​ລຸນ​ແກ້ວ ກິດ​ຕິ​ຄຸນ, ລັດຖະມົນຕີ​ປະ​ຈໍາ​ສໍານັກງານ​ນາຍົກລັດຖະມົນຕີ. ​ເຂົ້າ​ຮ່ວມ​ໃນ​ພິທີ​ດັ່ງ​ກ່າວມີ​ບັນດາ​ການ​ນໍາ​ຂອງ​ກະຊວງ ແລະ ຂະແໜງການຕ່າງໆ​ທີ່​ຮັບຜິດ ຊອບວຽກ​ອາ​ຊຽນ ​ແລະ ບັນດາ​ທູຕາ​ນຸທູດ​ຕ່າງປະ​ເທດ​ປະ​ຈໍາ ສປປ ລາວ ພ້ອມ​ດ້ວຍ​ມວນ​ຊົນ​ຊາວ​ນະຄອນຫລວງ​ວຽງ​ຈັນ ​ເຂົ້າ​ຮ່ວມ​ຫລາຍກ​ວ່າ 200 ທ່ານ. ພິທີ​ໃຕ້​ໄຟ​ດັ່ງກ່າວແມ່ນເປັນໜຶ່ງໃນກິດຈະກໍາສະເຫຼີມສະຫຼອງວັນ​ຄົບຮອບ 50 ປີ ​ແຫ່ງ​ການ​ສ້າງ​ຕັ້ງ​ອາ​ຊຽນ ​​ແລະ ໄດ້​ຈັດ​ຂຶ້ນພ້ອມໆກັນ​ຢູ່ຕາມບັນດາ​ເມືອງ​ຫລວງ​ຂອງ​ບັນດາ​ປະ​ເທດສະ​ຊິກ​ອາ​ຊຽນ ແລະ ຈະ​ໃຕ້​ຢູ່​ຕາມ​ສະຖານ​ທີ່​ສໍາຄັນ​ຕ່າງໆ ຊຶ່ງນອກຈາກຈະເປັນການສ້າງຄວາມຮັບຮູ້ກ່ຽວກັບອາຊຽນແລ້ວໃຫ້ແກ່ປະຊາຊົນແລ້ວ, ຍັງເປັນການສະເຫຼີມສະຫຼອງຜົນສໍາເລັດຂອງອາຊຽນຕະຫລອດໄລຍະ 50 ປີທີ່ຜ່ານມາ.

​ໃນ​ບາງ​ຕອນທ່ານປະທານ​ໄດ້ກ່າວວ່າ ຕະຫລອດໄລຍະຜ່ານມາອາຊຽນໄດ້ສຸມໃສການເຊື່ອມໂຍງພາກພື້ນ   ອາຊຽນ ແລະ ການສ້າງປະຊາຄົມອາຊຽນ ອັນໄດ້ນໍາມາສູ່ການປະກາດສ້າງຕັ້ງເປັນປະຊາຄົມອາຊຽນຢ່າງເປັນທາງການ ໃນວັນທີ 31 ທັນວາ 2015 ທີ່ປະກອບດ້ວຍ 3 ເສົາຄໍ້າປະຊາຄົມອາຊຽນ ຄື: ປະຊາຄົມການເມືອງ-ຄວາມຫມັ້ນຄົງ   ອາຊຽນ, ປະຊາຄົມເສດຖະກິດອາຊຽນ ແລະ ປະຊາຄົມວັດທະນະທໍາ-ສັງຄົມອາຊຽນ. ພ້ອມກັນນີ້, ອາຊຽນຍັງໄດ້ຮັດ ແໜ້ນການພົວພັນກັບພາຍນອກ ໂດຍໄດ້ຂະຫຍາຍການເປັນຄູ່ຮ່ວມເຈລະຈາ ກວມເອົາບັນດາປະເທດໃຫຍ່ໃນໂລກ ໂດຍຜ່ານບັນດາກົນໄກຮ່ວມມືທີ່ອາຊຽນເປັນຜູ້ລິເລີ້ມ ຊຶ່ງບໍ່ພຽງແຕ່ສຳລັບໃຫ້ອາຊຽນພົວພັນຮ່ວມມືກັບຄູ່ເຈລະຈາຂອງຕົນ ແລະ ຄູ່ຮ່ວມມືພາຍນອກອື່ນໆ ເທົ່ານັ້ນ, ແຕ່ຍັງເປັນເວທີໃຫ້ຄູ່ເຈລະຈາ ແລະ ຄູ່ຮ່ວມມືພາຍນອກອື່ນ ລວມທັງບັນດາປະເທດມະຫາອໍານາດໄດ້ພົບປະປຶກສາຫາລືກັນ ຊຶ່ງເປັນການປະກອບສ່ວນເຂົ້າໃນການສົ່ງເສີມຄວາມເຂົ້າໃຈເຊິ່ງກັນ ແລະ ກັນ, ຄວາມໄວ້ເນື້ອເຊື່ອໃຈດ້ານຍຸດທະສາດ, ສົ່ງເສີມສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາໃນພາກພື້ນ ກໍຄືໃນໂລກ.

ນອກນັ້ນທ່ານຍັງກ່າວວ່າ ນັບແຕ່ ສປປ ລາວ ເຂົ້າເປັນສະມາຊິກອາຊຽນ ໃນປີ 1997, ອາຊຽນ ໄດ້ກາຍເປັນເສົາຄ້ຳໜຶ່ງທີ່ສໍາຄັນ ໃນນະໂຍບາຍການຕ່າງປະເທດຂອງ ສປປ ລາວ. ຕະຫຼອດໄລຍະສອງທົດສະຫວັດຜ່ານມາ, ສປປ ລາວ ໄດ້ເຄື່ອນໄຫວວຽກງານອາຊຽນຢ່າງຕັ້ງຫນ້າ ໃນທຸກໆຂົງເຂດການຮ່ວມມືພາຍໃຕ້ 3 ເສົາຄໍ້າປະຊາຄົມອາຊຽນ, ລວມທັງການພົວພັນກັບພາຍນອກຂອງອາຊຽນ ແລະ ໄດ້ປະຕິບັດພັນທະຕ່າງໆຂອງຕົນ ອັນໄດ້ນໍາຜົນປະໂຫຍດມາສູ່ປະເທດຊາດ ແລະ ປະຊາຊົນລາວ. ອັນສໍາຄັນ ສປປ ລາວ ກໍໄດ້ຮັບກຽດເປັນປະທານອາຊຽນ ຄັ້ງທີ 2 ໃນປີ 2016 ພາຍໃຕ້ຄໍາຂວັນ ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງ ຂອງປະຊາຄົມອາຊຽນ. ໃນການເປັນປະທານອາຊຽນ ຄັ້ງທີ 2 ນີ້ ພວກເຮົາໄດ້ສໍາເລັດການສ້າງເອກະສານຫລາຍສະບັບ ອັນເປັນພື້ນຖານສໍາລັບການຮ່ວມມືພາຍໃນອາຊຽນ ພາຍໃຕ້ 3 ເສົາຄໍ້າ ແລະ ການຮ່ວມມື ລະຫວ່າງ ອາຊຽນ ກັບພາຍນອກ. ຜົນສໍາເລັດດັ່ງກ່າວໄດ້ສົ່ງເສີມຖານະບົດບາດຂອງ ສປປ ລາວ ໃນເວທີພາກພື້ນ ແລະ ສາກົນໃຫ້ສູງເດັ່ນຂຶ້ນ.