ນະ​ຄອນ​ຫຼວງວຽງ​ຈັນ, ວັນ​ທີ 09 ກໍ​ລະ​ກົດ 2018

ພະ​ນະ​ທ່ານ ຊິນ​ໂຊ ອາ​ເບະ

ນາ​ຍົກ​ລັດ​ຖະ​ມົນຕີ ແຫ່ງ ຍີ່​ປຸ່ນ

ທີ່ນະ​ຄອນ​ຫລວງໂຕ​ກຽວ

ພະ​ນະ​ທ່ານ,

ຂ້າ​ພະ​ເຈົ້າຮູ້​ສຶກ​ເສົ້າ​ສະ​ຫລົດ​ໃຈທີ່​ໄດ້​ຮັບ​ຊາບ​ຂ່າວໄພ​ພິ​ບັດ​ນ້ຳ​ຖ້ວມ ​ແລະ ດິນ​ເຈື່ອນ ຢູ່ທາງ​ພາກ​ຕາ​ເວັນ​ຕົກຂອງ ​ຍີ່​ປຸ່ນນັບ​ແຕ່​ວັນ​ທີ 07 ກໍ​ລະ​ກົດ 2018 ເປັນ​ຕົ້ນ​ມາ ​ໄດ້​ສ້າງ​ຄວາມ​ເສຍ​ຫາຍ​ໃຫ້​ແກ່​ຊີ​ວິດ, ຊັບ​ສິນ, ອາ​ຄານສະ​ຖານ​ທີ່ ແລະ ລະ​ບົບ​ພື້ນ​ຖານ​ໂຄງ​ລ່າງຢູ່​ບໍ​ລິ​ເວນ​ດັ່ງ​ກ່າວຢ່າງ​ໜັກ​ໜ່ວງ.

ຂ້າ​ພະ​ເຈົ້າຂໍຕາງ​ໜ້າ​ລັດ​ຖະ​ບານ ແລະ ປະ​ຊາ​ຊົນ ແຫ່ງ ສ​າ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ​ສະ​ແດງ​ຄວາມ​ເຫັນ​ໃຈ ແລະ ແບ່ງ​ເບົາ​ຄວາມ​ທຸກ​ໂສກມາ​ຍັງ​ ພະ​ນະ​ທ່ານ ແລະ ຜ່ານ​ພະ​ນະ​ທ່ານໄປ​ຍັງ ​ລັດ​ຖະ​ບານກໍ​ຄືປະ​ຊາ​ຊົນ​ຍີ່​ປຸ່ນໂດຍ​ສະ​ເພາະ​ຜູ້​ທີ່ໄດ້​ຮັບ​ເຄາະ​ຮ້າຍ ແລະ ຄອບ​ຄົວ​ຂອງ​ເຂົາ​ເຈົ້າ ຈາກ​ເຫດ​ການ​ໄພ​ພິ​ບັດ​ທາງ​ທຳ​ມະ​ຊາດ​ໃນ​ຄັ້ງ​ນີ້.

ຂ້າ​ພະ​ເຈົ້າ​ເຊື່ອ​ໝັ້ນຢ່າງ​ຍິ່ງ​ວ່າ, ພາຍ​ໃຕ້​ຄວາມ​ພະ​ຍາ​ຍາມ ແລະ ຄວາມ​ເອົາ​ໃຈ​ໃສ່​ ຂອງ ​ລັດ​ຖະ​ບານ ​ຍີ່​ປຸ່ນໂດຍ​ມີພະ​ນະ​ທ່ານເປັນ​ຜູ້​ຊິ້​ນຳແລະດ້ວຍ​ມູນ​ເຊື້ອ​ແຫ່ງ​ຄວາມ​ສາ​ມັກ​ຄີເປັນ​ຈິດ​ໜຶ່ງ​ໃຈ​ດຽວ​ກັນຂອງ​ປະ​ຊາ​ຊົນ​ຍີ່​ປຸ່ນ,ສະ​ພາບ​ການ​ດັ່ງ​ກ່າວ​ຈະ​ໄດ້​ຮັບ​ການ​ຟື້ນ​ຟູ​ກັບ​ຄືນ​ສູ່​ສະ​ພາບ​ປົກ​ກະ​ຕິ​ໂດຍ​ໄວ.

ດ້ວຍ​ຄວາມ​ນັບ​ຖື​ຢ່າງ​ສູງ,

ທອງລຸນ ສີ​ສຸ​ລິດ

ນາ​ຍົກ​ລັດ​ຖະ​ມົນ​ຕີ

ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ

ພະນະທ່ານ ໂດໂນ ທຣັມ

ປະທານາທິບໍດີ ແຫ່ງ ສະຫະລັດ ອາເມລິກາ

ທີ່ ວໍຊິງຕັນ, ດີ.ຊີ                                                                           

ພະນະທ່ານ,

ເນື່ອງໃນໂອກາດວັນຊາດ ແຫ່ງ ສະຫະລັດ ອາເມລິກາ ຄົບຮອບ 242 ປີ, ຂ້າພະເຈົ້າ ໃນນາມ ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ປະຊາຊົນລາວ ແລະ ໃນນາມສ່ວນຕົວ, ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງ ພະນະທ່ານ ແລະ ຜ່ານພະນະທ່ານ ໄປຍັງ ລັດຖະບານ ແລະ ປະຊາຊົນ ອາເມລິກາ ທຸກທົ່ວໜ້າ.

ພະນະທ່ານ ໂຈເຊ ມາເຣຍ ວາສະກົງແຊລອດ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ

ທີ່ ດີລີ

ພະນະທ່ານ,

ໃນ​ນາມ​ລັດຖະບານ ແລະ​ ປະຊາຊົນ ແຫ່ງ​ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະ​ເຈົ້າ ມີຄວາມຍິນດີ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ທີ່ໄດ້ຮັບການແຕ່ງຕັ້ງໃຫ້ດໍາລົງຕໍາແໜ່ງ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ຕີມໍ-ເລສເຕ.