ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal
ນາຍົກລັດຖະມົນຕີ ຕ້ອນຮັບການເຂົ້າຢ້ຽມຂ່ຳນັບຂອງ ທີ່ປຶກສາແຫ່ງລັດ, ລັດຖະມົນຕີຕ່າງປະເທດ ສປ ຈີນ
ລາວ-ຟີລິບປິນ ສືບຕໍ່ສົ່ງເສີມການພົວພັນຮ່ວມມືສອງຝ່າຍ
ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ຈີນ ຢ້ຽມຢາມ ສປປ ລາວ ຢ່າງເປັນທາງການ
ກອງປະຊຸມລັດຖະມົນຕີຕ່າງປະເທດອາຊຽນ-ຈີນ ສະໄໝພິເສດ ກ່ຽວກັບ ການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່
ຜົນກອງປະຊຸມລັດຖະມົນຕີຕ່າງປະເທດ ແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 5
ລາວ-ຫວຽດນາມ ສືບຕໍ່ຮັດແໜ້ນການພົວພັນຮ່ວມມືສອງຝ່າຍ
ການເຄື່ອນໄຫວຂອງຄະນະນຳກະຊວງການຕ່າງປະເທດ

ຜູ້ອຳນວຍການໃຫຍ່ ອົງການອາຫານ ແລະ ການກະເສດ (FAO) ຢ້ຽມຢາມ ສປປ ລາວ

ຜູ້ອຳນວຍການໃຫຍ່ ອົງການອາຫານ ແລະ ການກະເສດ (FAO) ຢ້ຽມຢາມ ສປປ ລາວ

ໃນລະຫວ່າງວັນທີ 18-20 ກຸມພາ 2020, ທ່ານ Dr. Qu Dongyu, ຜູ້ອຳນວຍການໃຫຍ່ອົງການອາຫານ ແລະ ການກະເສດ (FAO) ຊຶ່ງມີສຳນັກງານໃຫຍ່ຕັ້ງຢູ່ທີ່ ນະຄອນຫຼວງໂຣມ, ປະເທດ ອິຕາລີ, ພ້ອມດ້ວຍຄະນະ ໄດ້ເດີນ​ທາງ​ມາຢ້ຽມຢາມ ສ​ປ​ປ ລາວ ຢ່າງເປັນທາງການ ຊຶ່ງເປັນຄັ້ງທຳອິດນັບຕັ້ງແຕ່ທ່ານໄດ້ຮັບຕຳແໜ່ງເປັນ ຜູ້ອຳນວຍການໃຫຍ່ຄົນໃໝ່ຂອງ ອົງການ FAO ແລະ ເປັນຄັ້ງທີ່ສອງໃນຮອບສອງປີຕິດຕໍ່ກັນ ທີ່ຜູ້ອຳນວຍການໃຫຍ່ ອົງການ FAO...

ການເຄື່ອນໄຫວຂອງສະຖານທູດ ແລະ ບັນດາກົມ

ກອງປະຊຸມສຳມະນາ ໃນຫົວຂໍ້ ຍົກສູງບົດບາດ ສປປ ລາວ ໃນການເຊື່ອມໂຍງເສດຖະກິດພາກພື້ນ ແລະ ສາກົນ

ກອງປະຊຸມສຳມະນາ ໃນຫົວຂໍ້ ຍົກສູງບົດບາດ ສປປ ລາວ ໃນການເຊື່ອມໂຍງເສດຖະກິດພາກພື້ນ ແລະ ສາກົນ

    ໃນວັນທີ 12 ກຸມພາ 2020, ທີ່ ຫ້ອງປະຊຸມ ແຂວງບໍລິຄໍາໄຊ, ກະຊວງການຕ່າງປະເທດ ຮ່ວມກັບ ສູນອາຊຽນ-ຍີ່ປຸ່ນ (AJC) ໄດ້ຈັດກອງປະຊຸມສຳມະນາ ໃນຫົວຂໍ້ “ຍົກສູງບົດບາດຂອງ ສປປ ລາວ ໃນການເຊື່ອມໂຍງເສດຖະກິດພາກພື້ນ ແລະ ສາກົນ”, ພາຍໃຕ້ການເປັນປະທານຮ່ວມຂອງ ທ່ານ ບຸນມາ ບຸຈະເລີນ, ຮອງເຈົ້າແຂວງ ບໍລິຄໍາໄຊ ແລະ ທ່ານ ວິລະສັກ...

ຂ່າວອື່ນໆ

ລັດຖະມົນຕີ ກະຊວງແຜນການ ແລະ ການລົງທຶນ ສຳເລັດການເຂົ້າຮ່ວມກອງປະຊຸມລັດຖະມົນຕີ ຄະນະກຳມະການປະສານງານຮ່ວມ ເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ຄັ້ງທີ 12 ແລະ ກອງປະຊຸມປິ່ນອ້ອມຕ່າງໆ

ລັດຖະມົນຕີ ກະຊວງແຜນການ ແລະ ການລົງທຶນ  ສຳເລັດການເຂົ້າຮ່ວມກອງປະຊຸມລັດຖະມົນຕີ ຄະນະກຳມະການປະສານງານຮ່ວມ ເຂດສາມຫຼ່ຽມພັດທະນາ  ກໍາປູເຈຍ-ລາວ-ຫວຽດນາມ ຄັ້ງທີ 12 ແລະ ກອງປະຊຸມປິ່ນອ້ອມຕ່າງໆ

ໃນວັນທີ 10 ມີນາ 2019, ທ່ານ ສຸພັນ ແກ້ວມີໄຊ, ລັດຖະມົນຕີກະຊວງແຜນການ ແລະ ການລົງທຶນ, ປະທານຄະນະກຳມະການປະສານງານຮ່ວມ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຂອງ ສປປ ລາວ ພ້ອມດ້ວຍຄະນະ ​ໄດ້ສໍາ​ເລັດການເຂົ້າ​ຮ່ວມກອງປະຊຸມ ຄະນະກຳມະການປະສານງານຮ່ວມເຂດສາມ​ຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 12 ທີ່ ແຂວງກະແຈະ, ປະເທດກຳປູເຈຍ ພາຍ​ໃຕ້​ການ​ເປັນ​ປະທານຂອງ ທ່ານ ປານ ​ໂສຣະສັກ (PAN...

ໂທລະສານ

ສານອວຍພອນວັນຊາດ ຍີ່ປຸ່ນ

    ສົມ​ເດັດ ນາຣຸຮິໂຕະ ​ເຈົ້າຈັກກະພັດ ແຫ່ງ ປະເທດຍີ່ປຸ່ນ ທີ່ ​ນະຄອນຫຼວງໂຕ​ກຽວ ​ພະບາດສົມ​ເດັດ, ​ເນື່ອງ​ໃນ​ໂອກາດ​ອັນ​ເປັນ​ສິລິ​ມົງຄຸນ​ແຫ່ງວັນ​ພະຣາຊະ​ສົມ​ພົບ ຄົບຮອບ 60 ພັນ​ສາ ຂອງ​ ສົມເດັດ ກໍຄືວັນຊາດຍີ່ປຸ່ນ, ໃນນາມປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄືໃນນາມສ່ວນຕົວ, ຂ້າພະເຈົ້າ ຂໍ​ສົ່ງ​ຄຳ​ອວຍພອນ​ໄຊ​ອັນ​ປະ​ເສີດ ​ແລະ ຄຳ​ຊົມ​ເຊີຍ​ອັນ​ອົບ​ອຸ່ນມາ​ຍັງສົມເດັດ ​ແລະ ພະ​ບໍລົມ​ວົງສາ​ນຸວົງທຸກພະອົງ ຈົ່ງ​ຊົງ​ພະ​ກະ​ເສມສຳລານ...

ຖະແຫຼງຂ່າວຮ່ວມ ລະຫວ່າງ ລາວ - ກໍາປູເຈຍ

 

20200209-Cambodia-LaosJointPressSatement

 

1. ຕອບສະໜອງຕາມການເຊື້ອເຊີນຂອງ ພະບາດ ສົມເດັດ ພະບໍຣົມມະນຽດ ໂນໂຣດົມ ສີຫາໂມນີ, ພະມະຫາກະສັດ ແຫ່ງ ຣາຊະອານາຈັກ ກຳປູເຈຍ, ພະນະທ່ານ ບຸນຍັງ ວໍລະຈິດ, ເລຂາທິການໃຫຍ່ ພັກປະຊາຊົນປະຕິວັດລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ), ໄດ້ນໍາພາຄະນະຜູ້ແທນຂັ້ນສູງ ເດີນທາງຢ້ຽມຢາມລັດຖະກິດ ທີ່ ຣາຊະອານາຈັກກຳປູເຈຍ ແຕ່ວັນທີ 09-10 ກຸມພາ 2020.

 

2. ໃນລະຫວ່າງການຢ້ຽມຢາມຄັ້ງນີ້, ພະນະທ່ານ ບຸນຍັງ ວໍລະຈິດ ໄດ້ວາງພວງມາລາ ທີ່ ອານຸສາວະລີນັກຮົບນິລະນາມ ແລະ ອານຸສາວະລີ ພະບາດ ສົມເດັດ ໂນໂຣດົມ ສີຫານຸ, ອາດີດ ພະມະຫາກະ ສັດ, ບິດາ ຂອງ ກໍາປູເຈຍ.

 

3. ພະນະທ່ານ ບຸນຍັງ ວໍລະຈິດ ໄດ້ພົບປະກັບ ພະບາດ ສົມເດັດ ພະບໍຣົມມະນຽດ ໂນໂຣດົມ ສີຫາໂມນີ. ພ້ອມນີ້, ພະນະທ່ານ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ສົມເດັດ ວິບູນ ເສນາ ແພະກະໄດ ຊາຍ ຊຸມ, ປະທານສະພາສູງ, ສົມເດັດ ອັກຄະມະຫາ ໂປເຢຍ ຈັກກຣີ ເຮັງ ຊໍາຣິນ, ປະທານສະພາແຫ່ງຊາດ ແລະ ສົມເດັດ ອັກຄະມະຫາເສນາ ບໍດີ ເຕໂຈ ຮຸນ ແຊນ, ນາຍົກລັດຖະມົນຕີ ແຫ່ງ ຣາຊະອານາຈັກ ກຳປູເຈຍ.

 

4. ດ້ວຍບັນຍາກາດແຫ່ງສາຍພົວພັນມິດຕະພາບ ທີ່ມີມູນເຊື້ອອັນດີງາມ, ຄວາມເຂົ້າອົກເຂົ້າໃຈເຊິ່ງກັນແລະກັນ ແລະ ຄວາມເຊື່ອໝັ້ນ, ການນໍາ ຂອງສອງປະເທດ ໄດ້ແຈ້ງໂດຍຫຍໍ້ ສະພາບການພັດທະ ນາປະເທດ ໃນປັດຈຸບັນ ຂອງ ລາວ ແລະ ກໍາປູເຈຍ ແລະ ໄດ້ແລກປ່ຽນຄໍາຄິດຄໍາເຫັນຢ່າງເລິກເຊິ່ງ ກ່ຽວກັບການຮ່ວມມືສອງຝ່າຍ ຕໍ່ບັນຫາພາກພື້ນ ແລະ ສາກົນຕ່າງໆ ທີ່ສອງຝ່າຍມີຄວາມສົນໃຈ. ພະບາດ ສົມເດັດ ພະມະຫາກະສັດ ແລະ ບັນດາການນໍາຂອງກຳປູເຈຍ ໄດ້ເນັ້ນໃຫ້ເຫັນຄວາມສໍາຄັນ ຂອງການຢ້ຽມຢາມລັດຖະກິດຄັ້ງທີສອງທີ່ເປັນປະຫວັດສາດ ຂອງພະນະທ່ານ ບຸນຍັງ ວໍລະຈິດ ທີີ່ ກໍາປູເຈຍ ຄັ້ງນີ້, ນັບແຕ່ປີ 2017 ຜ່ານມາ ເພື່ອສືບຕໍ່ເສີມຂະຫຍາຍຄວາມສາມັກຄີຖານບ້ານໃກ້ເຮືອນຄຽງທີ່ດີ ລະຫວ່າງສອງປະເທດ. ຝ່າຍກໍາປູເຈຍ ໄດ້ຊົມເຊີຍຕໍ່ການພັດທະນາທາງດ້ານເສດຖະ ກິດ-ສັງຄົມ ຂອງ ສປປ ລາວ ທີ່ຂະຫຍາຍຕົວຢ່າງຕໍ່ເນື່ອງ ແລະ ເຊື່ອໝັ້ນວ່າ ພາຍໃຕ້ການນໍາພາອັນສະຫຼາດສ່ອງໃສ ຂອງພັກປະຊາຊົນປະຕິວັດລາວ, ປະຊາຊົນລາວທຸກຖ້ວນໜ້າ ຈະບັນລຸໄດ້ຄວາມມຸ້ງມາດປາດຖະໜາ ໃນການກາຍເປັນປະເທດທີ່ມີລາຍຮັບປານກາງສູງ ໃນປີ 2030 ນີ້.

 

5. ໃນໂອກາດດຽວກັນນີ້, ພະນະທ່ານ ບຸນຍັງ ວໍລະຈິດ ໄດ້ສະແດງຄວາມຊົມເຊີຍຜົນສຳເລັດ ຂອງກໍາປູເຈຍ ໃນການປົກປັກຮັກສາສັນຕິພາບ, ສະຖຽນລະພາບ ແລະ ການສືບຕໍ່ພັດທະນາເສດຖະກິດ ໃຫ້ເຕີບໂຕຍິ່ງໆຂຶ້ນ ພາຍໃຕ້ການຊີ້ນໍານໍາພາ ຂອງ ພະບາດ ສົມເດັດ ພະບໍຣົມມະນຽດ ໂນໂຣດົມ ສີຫາໂມນີ ແລະ ການພັດທະນາປະເທດອັນຖືກຕ້ອງ ຂອງລັດຖະບານ ແຫ່ງ ຣາຊະອານາຈັກກໍາປູເຈຍ ພາຍໃຕ້ການນໍາພາ ຂອງ ສົມເດັດ ອັກຄະມະຫາເສນາ ບໍດີ ເຕໂຈ ຮຸນ ແຊນ, ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ.

 

6. ພະນະທ່ານ ບຸນຍັງ ວໍລະຈິດ ແລະ ການນໍາຂັ້ນສູງຂອງ ກໍາປູເຈຍ ໄດ້ເນັ້ນຢໍ້າຄວາມສໍາຄັນ ຂອງການຍົກລະດັບສາຍພົວພັນສອງຝ່າຍ ລະຫວ່າງ ສປປ ລາວ ແລະ ຣາຊະອານາຈັກກຳປູເຈຍ ຂຶ້ນເປັນຄູ່ຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານ ໃນປີ 2019 ຜ່ານມາ ແລະ ເຫັນດີວ່າ ການຍົກລະດັບດັ່ງກ່າວ ຈະຊ່ວຍຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກ ຄີຖານອ້າຍນ້ອງ ແລະ ການຮ່ວມມືທາງດ້ານການເມືອງ-ຄວາມໝັ້ນຄົງ, ເສດຖະກິດ, ວັດທະນະ ທຳ-ສັງຄົມ ຂອງສອງປະເທດ.

 

7. ດ້ານວຽກງານປ້ອງກັນຊາດ ແລະ ປ້ອງກັນຄວາມສະຫງົບ, ສອງຝ່າຍ ເຫັນດີມອບໃຫ້ພາກສ່ວນກ່ຽວຂ້ອງ ຂອງສອງປະເທດ ປະສານງານ ແລະ ເຮັດວຽກຮ່ວມກັນຢ່າງໃກ້ຊິດ ຜ່ານກົນໄກການປຶກສາຫາລືຢ່າງເປັນປົກກະຕິ ແລະ ການແລກປ່ຽນການຢ້ຽມຢາມຂັ້ນຕ່າງໆ ເພື່ອແກ້ໄຂບັນຫາວຽກງານກົງສຸນ ແລະ ກົດໝາຍ, ການສະກັດກັ້ນຕ້ານການຄ້າຂາຍຢາເສບຕິດ ແລະ ອາດຊະຍາກຳຂ້າມຊາດ ແລະ ການຮັບມືກັບການແຜ່ລະບາດຂອງພະຍາດຕິດຕໍ່ ແລະ ໄພພິບັດຕ່າງໆ. ສອງຝ່າຍເຫັນດີເພີ່ມຄວາມພະຍາຍາມ ໃນການຊຸກຍູ້ການຮ່ວມມືທາງດ້ານເສດຖະກິດ, ການຄ້າ, ການລົງທຶນ ແລະ ການທ່ອງທ່ຽວ ລະຫວ່າງສອງປະເທດ ໃຫ້ຂະຫຍາຍຕົວ ແລະ ການຮ່ວມມືໃນດ້ານຕ່າງໆ ເປັນຕົ້ນແມ່ນດ້ານພະລັງງານ, ກະສິກຳ, ການເງິນ, ການຂົນສົ່ງ, ການສື່ສານ, ແຮງງານ ແລະ ການສຶກສາ.

 

8. ພະນະທ່ານ ບຸນຍັງ ວໍລະຈິດ ແລະ ການນໍາຂອງ ກໍາປູເຈຍ ໄດ້ສະແດງຄວາມເພິ່ງພໍໃຈ ຕໍ່ຜົນການຕົກລົງ ລະຫວ່າງສອງນາຍົກລັດຖະມົນຕີ ຄັ້ງວັນທີ 12 ກັນຍາ 2019 ຜ່ານມາ ໂດຍມອບໃຫ້ຄະນະກຳມະການຊາຍແດນຮ່ວມ ຂອງສອງປະເທດ ຮ່າງສົນທິສັນຍາ ວ່າດ້ວຍການປັກຫຼັກໝາຍຊາຍແດນ ລະຫວ່າງສອງປະເທດ ທີ່ກ່ຽວຂ້ອງກັບຈຸດທີ່ສອງຝ່າຍ ໄດ້ກໍານົດ ແລະ ປັກຫຼັກໝາຍແລ້ວ 86% ຂອງຊາຍແດນຮ່ວມກັນ ລະຫວ່າງສອງປະເທດ ແລະ ໃຫ້ສືບຕໍ່ການປຶກສາຫາລື ໃນການແກ້ໄຂພື້ນທີ່ຊາຍແດນທີ່ເປັນຈຸດຄົງຄ້າງ ທີ່ຍັງບໍ່ສາມາດປັກຫຼັກໝາຍຊາຍແດນໄດ້ ເພື່ອສ້າງຊາຍແດນລະຫວ່າງສອງປະເທດ ເປັນເຂດຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມື.

 

9. ພະນະທ່ານ ບຸນຍັງ ວໍລະຈິດ ແລະ ການນໍາ ຂອງກໍາປູເຈຍ ຍັງໄດ້ສະແດງການສະໜັບສະໜູນເຊິ່ງກັນ ແລະ ກັນ ແລະ ສືບຕໍ່ສົ່ງເສີມການຮ່ວມມືໃນຂອບພາກພື້ນ ແລະ ສາກົນ ເປັນຕົ້ນ ອາຊຽນ, ຂອບການຮ່ວມມືອານຸພາກພື້ນແມ່ນໍ້າຂອງ ແລະ ອົງການສະຫະປະຊາຊາດ.

 

10. ພະນະທ່ານ ບຸນຍັງ ວໍລະຈິດ ໄດ້ສະແດງຄວາມຂອບໃຈຢ່າງຈິງໃຈ ຕໍ່ການຕ້ອນຮັບຢ່າງອົບອຸ່ນ ແກ່ຄະນະຜູ້ແທນລາວ ໃນໂອກາດຢ້ຽມຢາມ ຢູ່ນະຄອນຫຼວງພະນົມເປັນ ຄັ້ງນີ້. ໃນໂອກາດດຽວກັນນີ້, ພະນະທ່ານ ໄດ້ເຊື່້ອເຊີນ ພະບາດ ສົມເດັດ ພະບໍຣົມມະນຽດ ໂນໂຣດົມ ສີຫາໂມນີ, ພະມະຫາກະ ສັດ ແຫ່ງ ຣາຊະອານາຈັກກຳປູເຈຍ ແລະ ສົມເດັດ ພະມານດາ ໂນໂຣດົມ ໂມນິເນດ ສີຫານຸ ແລະ ບັນດາການນໍາ ຂອງກໍາປູເຈຍ ເດີນທາງມາຢ້ຽມຢາມ ສປປ ລາວ ໃນເວລາທີ່ສະດວກ, ຊຶ່ງການເຊື້ອເຊີນດັ່ງກ່າວ ກໍໄດ້ຖືກຕອບຮັບດ້ວຍຄວາມຍິນດີ.

 

 

                                                  ນະຄອນຫຼວງພະນົມເປັນ, ວັນທີ 10 ກຸມພາ 2020

a
ແຈ້ງການ

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກນໃນຂອບເຂດທົ່ວປະເທດລາວ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ການເລືອກຕັ້ງ ທີ່ ໄຕ້ຫວັນ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
195821
ມື້ນີ້70
ມື້ວານ98
ອາທິດນີ້141
ເດືອນນີ້2395
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710