ໂທລະເລກສະແດງຄວາມເຫັນໃຈ

ສະຫາຍ ສີ ຈິ້ນຜີງ

ເລຂາທິການໃຫຍ່, ປະທານປະເທດ

ແຫ່ງ ສາທາລະນະລັດ ປະຊາຊົນຈີນ

ທີ່ ນະຄອນຫຼວງປັກກິ່ງ

ສະຫາຍທີ່ນັບຖື,

ຂ້າພະເຈົ້າ ໄດ້ຮັບຂ່າວດ້ວຍຄວາມສະເທືອນໃຈ ກ່ຽວກັບໄພພິບັດທໍາມະຊາດອັນຮ້າຍແຮງ ນັບແຕ່ຕົ້ນເດືອນພຶດສະພາ 2020 ເປັນຕົ້ນມາ, ລົມພະຍຸ, ຝົນຕົກໜັກເປັນເວລາຕິດຕໍ່ກັນໄລຍະຍາວ ເຮັດໃຫ້ເກີດມີໄພນໍ້າຖ້ວມເປັນບໍລິເວນກວ້າງ, ດິນເຊາະເຈື່ອນ ຢູ່ຫຼາຍແຂວງ ເປັນຕົ້ນແມ່ນ ແຂວງເຈີຈ່ຽງ, ອ່ານຮຸ່ຍ, ຫູເປີຍ, ຫູໜານ, ກວາງຕຸງ, ກວາງຊີ່, ສົງຊິງ, ເສສວນ, ກຸ້ຍໂຈ່ ແລະ ແຂວງອື່ນໆຂອງ ສປ ຈີນ, ເຊິ່ງໄດ້ສ້າງຄວາມເສຍຫາຍຢ່າງໜັກໜ່ວງ ທາງດ້ານຊີວິດ ແລະ ຊັບສິນ ຂອງປະຊາຊົນຈີນອ້າຍນ້ອງ.

ໃນນາມຄະນະບໍລິຫານງານສູນກາງພັກ ປະຊາຊົນປະຕິວັດລາວ, ລັດຖະບານ ແລະ ປະຊາຊົນລາວ ກໍ່ຄື ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນອົກເຫັນໃຈ ຢ່າງສຸດຊື້ງ ມານັງສະຫາຍ ແລະ ຜ່ານສະຫາຍ ໄປຍັງພັກ, ລັດຖະບານ ແລະ ປະຊາຊົນຈີນອ້າຍນ້ອງ ໂດຍສະເພາະ ຄອບຄົວຜູ້ປະສົບເຄາະຮ້າຍຈາກໄພທໍາມະຊາດໃນຄັ້ງຮ້າຍແຮງນີ້ດ້ວຍ.

ສົມເດັດ ໂມຮາເມັດ ທີ VI

ກະສັດ ແຫ່ງ ຣາຊະອານາຈັກ ມາຣົກ

ທີ່ ຣາບັດ

ສົມເດັດ,

ເນື່ອງ​ໃນໂອກາດສະເຫຼີມສະຫຼອງວັນຊາດ ແຫ່ງ ຣາຊະອານາຈັກ ມາຣົກ ຄົບຮອບ 21 ປີ, ໃນນາມປະຊາຊົນລາວ ທຸກຖ້ວນໜ້າ ແລະ ໃນນາມສ່ວນຕົວ, ຂ້າພະ​ເຈົ້າ ຂໍ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນໄຊອັນປະເສີດ ມາ​ຍັງສົມເດັດ, ລັດຖະບານ ແລະ ປະຊາຊົນ ມາຣົກ ເພື່ອນມິດທຸກຖ້ວນໜ້າ.

ນະຄອນຫຼວງວຽງຈັນ, ວັນທີ 28 ກໍລະກົດ 2020

ພະນະທ່ານ,

ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ແລະ ຂໍຖືໂອກາດນີ້ ສົ່ງຄໍາຊົມເຊີຍອັນອົບອຸ່ນມາຍັງ ພະນະທ່ານ ເນື່ອງໃນໂອກາດທີ່ ພະນະທ່ານ ໄດ້ຮັບການເລືອກຕັ້ງເປັນນາຍົກ ລັດຖະມົນຕີແຫ່ງ ສາທາລະນະລັດ ສິງກະໂປ ອີກວາລະໜຶ່ງ.