ນະ​ຄອນ​ຫຼວງວຽງ​ຈັນ, ວັນ​ທີ 14 ຕຸລາ 2019

ພະ​ນະ​ທ່ານ ຊິນໂຊ ອາເບະ

ນາຍົກລັດຖະມົນຕີ ແຫ່ງ ຍີ່​ປຸ່ນ

ທີ່ ນະ​ຄອນ​ຫຼວງ ໂຕ​ກຽວ

ພະ​ນະ​ທ່ານ,

ຂ້າ​ພະ​ເຈົ້າ ມີຄວາມ​ເສົ້າ​ສະ​ຫລົດ​ໃຈ ທີ່​ໄດ້​ຮັບ​ຊາບ​ຂ່າວ ພາຍຸ​ໄຕ້ຝຸ່ນ Hagibis ໄດ້ພັດເຂົ້າພາກຕາເວັນອອກສ່ຽງໃຕ້ ແລະ ພາກກາງຂອງຍີ່ປຸ່ນ ໃນ​ວັນ​ທີ 12-13 ຕຸລາ 2019, ເຊິ່ງໄດ້ສ້າງຄວາມເສຍຫາຍທາງດ້ານ​ຊີ​ວິດ, ຊັບ​ສິນ, ອາ​ຄານສະ​ຖານ​ທີ່ ແລະ ລະ​ບົບ​ພື້ນ​ຖານ​ໂຄງ​ລ່າງຢູ່​ເຂດ​ດັ່ງ​ກ່າວ ຢ່າງ​ໜັກ​ໜ່ວງ.

ນະຄອນ​ຫລວງຽງຈັນ, ວັນ​ທີ 10 ຕຸລາ 2019

ພະນະ​ທ່ານ ນາງ ກັງ ກຽງ ຮວາ
ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະ​ລັດ ​ເກົາ​ຫລີ
ທີ່ ​ເຊ​ອູ​ນ

ນະຄອນຫຼວງວຽງຈັນ, ວັນທີ 01 ຕຸລາ 2019

ພະນະທ່ານ,

ໃນນາມລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄືໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງພະນະທ່ານ ແລະ ລັດຖະບານກິເນ ເນື່ອງໃນໂອກາດວັນຊາດ ແຫ່ງ ສາທາລະນະລັດ ກິເນ ຄົບຮອບ 61 ປີ.

ຂ້າພະເຈົ້າ ເຊື່ອໝັ້ນວ່າສາຍພົວພັນມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ກິເນຈະສືບຕໍ່ໄດ້ຮັບການເສີມຂະຫຍາຍໃນຊຸມປີຕໍ່ໜ້າເພື່ອຜົນປະໂຫຍດຂອງປະຊາຊົນ ສອງຊາດພວກເຮົາ.

ຂ້າພະເຈົ້າ ຂໍຖືໂອກາດນີ້ອວຍພອນໃຫ້ພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະຊາຊົນກິເນ ຈົ່ງສືບຕໍ່ມີຄວາມກ້າວໜ້າ ແລະ ວັດທະນາຖາວອນ.