ໂດຍຕອບສະໜອງຕາມຄຳເຊີນຂອງ ທ່ານ ນາງ ເລັດໂນ ມາຊຸດີ (Mrs. Retno L.P. Marsudi), ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ອິນໂດເນເຊຍ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພ້ອມດ້ວຍຄະນະ ຈະເດີນທາງຢ້ຽມຢາມ ສ.ອິນໂດເນເຊຍ ຢ່າງເປັນທາງການ, ໃນລະຫວ່າງວັນທີ 26-28 ກໍລະກົດ 2017, ເພື່ອເສີມຂະຫຍາຍ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມທີ່ມີມາແຕ່ດົນນານ ລະຫວ່າງສອງປະເທດໃຫ້ນັບມື້ນັບແໜ້ນແຟ້ນຂຶ້ນເລື້ອຍໆ.
ໂດຍຕອບສະໜອງຕາມຄຳເຊີນຂອງ ທ່ານ Alan Peter Schramm Cayetano, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ຟີລິບປິນ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະ ຈະເດີນທາງຢ້ຽມຢາມ ສ. ຟີລິບປິນ ຢ່າງເປັນທາງການ, ໃນລະຫວ່າງວັນທີ 13-14 ກໍລະກົດ 2017, ເພື່ອເສີມຂະຫຍາຍ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ ທີ່ມີມາແຕ່ດົນນານ ໃຫ້ນັບມື້ນັບແໜ້ນແຟ້ນຂຶ້ນເລື້ອຍໆ.
ໂດຍຕອບສະໜອງຕາມຄຳເຊີນຂອງ ທ່ານ ເຊບັດທຽນ ຄວກສ໌ (Sebastian Kurz), ລັດຖະມົນຕີກິດຈະການເອີຣົບ, ການເຊື່ອມໂຍງ ແລະ ການຕ່າງປະເທດ ແຫ່ງ ສາທາລະນະລັດ ໂອຕຣິສ໌ ແລະ ທ່ານ ປີເຕີ ຊີຈາໂຕ (Peter Szijjarto), ລັດຖະມົນຕີກະຊວງການຕ່າງປະເທດ ແລະ ການຄ້າ ຮົງກາລີ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ພ້ອມດ້ວຍຄະນະ, ຈະດຳເນີນການຢ້ຽມຢາມ ສ. ໂອຕຣິສ໌ ຢ່າງເປັນທາງການ, ໃນລະຫວ່າງວັນທີ 28-29 ພຶດສະພາ 2017 ແລະ ສືບຕໍ່ຢ້ຽມຢາມ ຮົງກາລີ ຢ່າງເປັນທາງການ, ໃນລະຫວ່າງວັນທີ 30-31 ພຶດສະພາ 2017, ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ລາວ-ໂອຕຣິສ໌ ແລະ ລາວ-ຮົງກາລີ.