ໃນວັນທີ 22 ເມສາ 2024, ທີ່ ກະຊວງການຕ່າງປະເທດ, ທ່ານ ໂພໄຊ ໄຂຄຳພິທູນ, ຮອງລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ໂຣບິນ ມູດີ (Robyn MUDIE), ຜູ້ຊ່ວຍລັດຖະມົນຕີກະຊວງການຕ່າງປະເທດ, ຮັບຜິດຊອບວຽກງານຂົງເຂດອາຊີຕາເວັນອອກສ່ຽງໃຕ້ ແຫ່ງ ອົດສະຕຣາລີ, ໃນໂອກາດເດີນທາງມາເຂົ້າຮ່ວມພິທີສະເຫຼີມສະຫຼອງການເປີດນໍາໃຊ້ຂົວມິດຕະພາບ ລາວ-ໄທ ແຫ່ງທີ 1 ຄົບຮອບ 30 ປີ...
ວັນທີ 6 ເມສາ 2024, ສະຖານເອກອັກຄະລັດຖະທູດລາວ ປະຈຳ ສສ ຫວຽດນາມ ໄດ້ຮ່ວມກັນຈັດງານບຸນເພື່ອຕ້ອນຮັບ ແລະ ສະເຫຼີມສະຫຼອງປີໃໝ່ລາວ ປີມະໂລງ ພສ 2567 ຂຶ້ນຢູ່ທີ່ນະຄອນຫຼວງຮ່າໂນ້ຍ ໂດຍການເປັນປະທານຂອງທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ. ຝ່າຍຫວຽດນາມໃຫ້ກຽດເຂົ້າຮ່ວມມີ ທ່ານ ນາງ...
ໃນວັນທີ 01 ມີນາ 2024, ກະຊວງແຜນການ ແລະ ການລົງທຶນ, ກະຊວງການຕ່າງປະເທດແລະ ແຂວງອັດຕະປື ໄດ້ເປັນເຈົ້າພາບຈັດກອງປະຊຸມຄະນະກຳມະການປະສານງານຮ່ວມເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ (JCC CLV DTA) ຄັ້ງທີ 13 ທີ່ແຂວງອັດຕະປື, ພາຍໃຕ້ການເປັນປະທານຂອງ ທ່ານ ຄຳເຈນ ວົງໂພສີ, ລັດຖະມົນຕີກະຊວງແຜນການ...
ນະຄອນຫລວງວຽງຈັນ, ວັນທີ 10 ເມສາ 2024 ພະນະທ່ານ, ເນື່ອງໃນໂອກາດວັນຊາດ ແຫ່ງ ສາທາລະນະລັດ ອາຣັບ ຊີຣີ ຄົບຮອບ 78 ປີ ແລະ ການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ອາຣັບ ຊີຣີ ຄົບຮອບ 20 ປີ, ໃນນາມລັດຖະບານ...
ໂດຍຕອບສະໜອງຕາມການເຊີນຂອງ ທ່ານ ດອນ ປຣະມັດວິໄນ, ລັດຖະມົນຕີວ່າການກະຊວງການຕ່າງປະເທດ ແຫ່ງ ຣາຊະອານາຈັກໄທ, ຄະນະຜູ້ແທນຂອງ ສປປ ລາວ ນໍາໂດຍ ທ່ານ ສະເຫລີມໄຊ ກົມມະສິດ, ລັດຖະມົນຕີຊ່ວຍວ່າການກະຊວງການຕ່າງປະເທດ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມລັດຖະມົນຕີຂອບການການຮ່ວມມືແຫ່ງອາຊີ ຄັ້ງທີ 14 (14th ACD Ministerial Meeting) ໃນວັນທີ 9-10 ມີນາ 2016 ທີ່ ບາງກອກ, ປະເທດ ໄທ. ກອງປະຊຸມຄັ້ງນີ້ ໄດ້ຮັບຮອງເອົາເນປານ ເຂົ້າເປັນສະມາຊິກໃໝ່ ເປັນປະເທດ 34, ໄດ້ທົບທວນຄືນການຈັດຕັ້ງປະຕິບັດບັນດາກິດຈະກໍາ,ໂຄງການຮ່ວມມືເອຊີດີ ໃນໄລຍະທີ່ຜ່ານມາ. ນອກຈາກນັ້ນ, ກອງປະຊຸມໄດ້ປຶກສາຫາລື ບັນດາເອກະສານຕ່າງໆ ສໍາລັບກອງປະຊຸມ ສຸດຍອດຄັ້ງທີ 2 ທີ່ຈະຈັດໃນເດືອນຕຸລາ 2016 ແລະ ຮັບຮອງເອົາເອກະສານຄື: ວາລະກອງປະຊຸມ, ຖະແຫຼງການປະທານ, ແນວຄວາມຄິດວິໄສທັດ ສໍາລັບການຮ່ວມມືອາຊີ 2030 ໂດຍສະເພາະເນັ້ນໃສ່ການເຊື່ອມຈອດພາກພື້ນ, ຂະແໜງບຸລິມາສິດໃນການຮ່ວມມື, ພິຈາລະນາການສ້າງຕັ້ງກອງເລຂາຖາວອນ ແລະ ບັນຫາສໍາຄັນອື່ນໆ ແລະ ລວມທັງທິດທາງການຮ່ວມມື ໃນອານາຄົດ.
ນອກນັ້ນ, ກອງປະຊຸມຍັງໄດ້ຮັບຮອງເອົາຖະແຫຼງຂອງປະທານກອງປະຊຸມລັດຖະມົນຕີເອຊີດີ ຄັ້ງທີ 14 ແລະ ຫົວໜ້າຄະນະຜູ້ແທນລາວໃນປະກອບຄໍາເຫັນຕໍ່ກອງປະຊຸມໂດຍໄດ້ເນັ້ນ ວິໄສທັດເອຊີດີ 2030 ຄວນຊຸກຍູ້ໃຫ້ເກີດມີຮູບປະທໍາ ແລະ ເລີກລ່ຽງການທັບຊ້ອນກັບຂອບການຮ່ວມມືອື່ນ, ແລະ ຄາດຫວັງວ່າ 6 ໂຂງເຂດບູລິມາສິດທີ່ຕິດພັນກັບການພັດທະນາແບບຢືນ ຢົງ ຈະຊ່ວຍຊຸກຍູ້ໃຫ້ແກ່ການເປັນກໍາລັງແຮງດ້ານເສດຖະກິດໂລກ, ລວມທັງສະໜັບສະໜູນ ການຍົກລະດັບຂອງກອງເລຂາຊົ່ວຄາວ ຂຶ້ນເປັນກອງເລຂາຖາວອນ ບົນພື້ນຖານການສຶກສາພາລະ ບົດບາດ ແລະ ຄວາມເປັນເອກະພາບຂອງບັນດາປະເທດສະມາຊິກ. ນອກນັ້ນ, ຍັງໄດ້ປະກອບຄໍາເຫັນໃນວາລະວົງແຄບ ທີ່ກ່ຽວພັນເຖີງຄວາມສໍາຄັນໃນການຮ່ວມມືຂອງພາກທຸລະກິດ ແລະ ການສຶກສາ ເພາະເປັນກໍາລັງຂັບເຄື່ອນການເຕີບໂຕຂອງເສດຖະກິດ ກໍຄືການຮ່ວມມືໃນບັນດາປະເທດສະມາຊິກ.
ໃນໂອກາດດຽວກັນ, ຫົວໜ້າຄະນະຜູ້ແທນ ຂອງ ສປປ ລາວ ຍັງໄດ້ພົບປະສອງຝ່າຍ ກັບ ທ່ານ ບັນດິດ ລີມສະກຸນ, ເລຂາທິການໃຫຍ່ ກອງເລຂາຊົ່ວຄາວເອຊີດີ, ຊຶ່ງ ທ່ານ ຫົວໜ້າຄະນະ ຂອງ ສປປ ລາວ ກໍ່ໄດ້ສະແດງຄວາມຊົມເຊີຍ ແລະ ຂອບໃຈຕໍ່ ກອງເລຂາເອຊີດີ ໃນການສະໜັບສະໜູນ ແລະ ຮັດແໜ້ນການພົວພັນຮ່ວມມື ຂອງບັນດາປະເທດສະມາຊິກ ຂອງພາກພື້ນ. ນອກຈາກນີ້, ສປປ ລາວ ກໍ່ຍັງສະເໜີໃຫ້ ທ່ານ ເລຂາທິການໃຫຍ່ເອຊີດີ ສືບຕໍ່ຊຸກຍູ້ການຮ່ວມມືຈາກການຫັນວິໄສທັດ ເປັນຮູບປະທໍາໃຫ້ຫຼາຍຂຶ້ນກວ່າເກົ່າ. ພ້ອມດຽວກັນນີ້, ທ່ານ ເລຂາທິການໃຫຍ່ເອຊີດີ ກໍ່ໄດ້ຊົມເຊີຍການເປັນປະທານອາຊຽນຂອງ ສປປ ລາວ ແລະ ການໃຫ້ຄວາມຮ່ວມມືສະໜັບສະໜູນເອຊີດີ ຕະຫຼອດໄລຍະຜ່ານມາ. ສອງຝ່າຍກໍ່ຍັງໄດ້ ແລກປ່ຽນຄວາມຄິດຄວາມເຫັນເພື່ອສືບຕໍ່ໃຫ້ຂອບການຮ່ວມມືດັ່ງກ່າວມີໝາກຜົນຫຼາຍຂື້ນກວ່າເກົ່າ.
ຂອບການຮ່ວມມື ACD ແມ່ນເວທີປຶກສາຫາລືສົນທະນາ, ຊຶ່ງສ້າງຕັ້ງຂຶ້ນໃນປີ 2002, ໂດຍມີກອງປະຊຸມປະຈຳປີຂອງລັດຖະມົນຕີຕ່າງປະເທດ ແລະ ມີກອງປະຊຸມສຸດຍອດ ເປັນກົນໄກສູງສຸດໃນໄລຍະຜ່ານມາ. ປະຈຸບັນມີສະມາຊິກທັງໝົດ 34 ປະເທດ