ໃນຕອນບ່າຍຂອງ​ວັນ​ທີ 8 ເມສາ 2021 ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະຜູ້ແທນ ເຂົ້າຮ່ວມກອງປະຊຸມທາງໄກ ລັດຖະມົນຕີຕ່າງປະເທດອາຊຽນ ສາມຝ່າຍ ແບບເປີດກວ້າງ ຮ່ວມກັບ ລັດຖະມົນຕີຕ່າງປະເທດ ອັງກິດ (ASEAN-UK Open-Ended Troika Dialogue)ພາຍໃຕ້ການເປັນປະທານຂອງ ທ່ານ ເອລິວັນ ເພຮິນ ຢູຊອບ, ລັດຖະມົນຕີຕ່າງປະເທດ ຂອງ ບຣູໄນ (ປະທານອາຊຽນ). ເຂົ້າຮ່ວມໃນກອງປະຊຸມຄັ້ງນີ້ ຍັງມີບັນດາລັດຖະມົນຕີຕ່າງປະເທດອາຊຽນອື່ນ, ທ່ານເລຂາທິການໃຫ່ຍອາຊຽນ, ທ່ານລັດຖະມົນຕີຕ່າງປະເທດອັງກິດ ແລະ ວິຊາການທີ່ກ່ຽວຂ້ອງຈໍານວນນຶ່ງ.

ໃນຕອນບ່າຍຂອງວັນທີ 07 ເມສາ 2021, ທີ່ ກະຊວງການຕ່າງປະເທດ, ສະຫາຍ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ໄດ້ຕ້ອນຮັບການເຂົ້າຢ້ຽມຂໍ່ານັບ ແລະ ເຂົ້າອວຍພອນປີໃໝ່ລາວ ພ.ສ. 2564 ຂອງ ສະຫາຍ ຫງວຽນ ບ໋າ ຮຸ່ງ, ເອກອັກຄະລັດຖະທູດແຫ່ງ ສສ. ຫວຽດນາມ ປະຈໍາ ສປປ ລາວ ພ້ອມດ້ວຍຄະນະ. ພ້ອມກັນນັ້ນ, ສະຫາຍເອກອັກຄະລັດຖະທູດ ຫວຽດນາມ ຍັງໄດ້ນຳເອົາກະຕ່າດອກໄມ້ຈາກ ສະຫາຍ ຟາມ ມິງ ຈິງ, ນາຍົກລັດຖະມົນຕີ ແຫ່ງ ສສ. ຫວຽດນາມ ເພື່ອມອບແດ່ ສະຫາຍ ຄຳພັນ ວິພາວັນ, ນາຍົກລັດຖະມົນຕີ ແຫ່ງ ສປປ ລາວ ແລະ ສະຖານເອກອັກຄະລັດຖະທູດ ແຫ່ງ ສສ. ຫວຽດນາມ ກໍ່ໄດ້ນຳເອົາກະຕ່າດອກໄມ້ມາອວຍພອນ ສະຫາຍ ສະເຫຼີມໄຊກົມມະສິດ, ລັດຖະມົນຕີກະຊວງການຕ່າງປະເທດ ເນື່ອງໃນໂອກາດປີໃໝ່ລາວ ທີ່ຈະມາເຖິງນີ້.

ໃນວັນທີ 07 ເມສາ 2021, ທີ່ ຫ້ອງວ່າການສຳນັກງານນາຍົກລັດຖະມົນຕີ, ພະນະທ່ານ ພັນຄຳ ວິພາວັນ, ນາຍົກລັດຖະມົນຕີ ແຫ່ງ ສປປ ລາວ, ໄດ້ສົນທະນາໂທລະສັບທາງໄກກັບ ພະນະທ່ານ ຊູງະ ໂຢຊິຮິເດະ (H.E. Mr. SUGA Yoshihide), ນາຍົກລັດຖະມົນຕີຍີ່ປຸ່ນ, ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ ລາວ-ຍີ່ປຸ່ນ.