ໃນວັນທີ 21 ມັງກອນ 2021, ທີ່ ກະຊວງການຕ່າງປະເທດ​, ທ່ານ ສະເຫລີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດ ເວ​ທີ​ປຶກ​ສາ​ຫາ​ລືຂອບການຮ່ວມມືແຫ່ງອາຊີ (Asia Cooperation Dialogue (ACD)) ຄັ້ງທີ 17 ຜ່ານລະບົບວິດີໂອທາງໄກ, ພາຍໃຕ້ຫົວຂໍ້: ວິຖີຊີວິດໃໝ່ ແລະ ການທ່ອງທ່ຽວທີ່ປອດໄພ ແລະ ມີສຸຂະພາບດີ (The New Normal and Safe and Healthy Tourism). ໂດຍການເປັນປະທານ ຂອງ ທ່ານ Mevlut Cavusoglu​, ລັດຖະມົນຕີຕ່າງປະເທດ ຕວັກກີ, ຊຶ່ງມີບັນດາລັດຖະມົນຕີ ແລະ ຮອງລັດຖະມົນຕີ ຈາກບັນດາປະເທດສະມາຊິກ ACD ແລະ ຜູ້ຕາງໜ້າຈາກ UNESCAP ເຂົ້າຮ່ວມ.

ວັນທີ 22 ກຸມພາ 2021 ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ເຈດສະດາ ກະຕະເວທິນ, ໃນໂອກາດມາດໍາລົງຕຳແໜ່ງເປັນເອກອັກຄະຣາຊະທູດ ແຫ່ງ ຣາຊະອານາຈັກໄທ ຄົນໃໝ່ ປະຈຳ ສປປ ລາວ.

ໃນຕອນເຊົ້າຂອງ ວັນທີ 22 ກຸມພາ 2021 ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ໂພຣ ແຄລີ (Paul Kelly), ເນື່ອງໃນໂອກາດຖືກແຕ່ງຕັ້ງໃຫ້ດຳລົງຕໍາແໜ່ງເປັນ ເອກອັກຄະລັດຖະທູດວິສາມັນ ຜູ້ມີອໍານາດເຕັມແຫ່ງ ອົດສະຕຣາລີ ປະຈໍາ ສປປ ລາວ ຄົນໃໝ່.