ໃນວັນທີ 17 ມິຖຸນາ 2019, ທີ່ສະໜາມບິນສາກົນວັດໄຕ, ນະຄອນຫຼວງວຽງຈັນ, ໄດ້ມີການຈັດພິທີມອບ-ຮັບ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ, ຊຶ່ງສິ່ງເສດເຫຼືອດັ່ງກ່າວ ແມ່ນຜົນສໍາເລັດທີ່ໄດ້ຮັບຈາກການປະຕິບັດງານຮ່ວມ ຢູ່ພາກສະໜາມຂອງຄະນະວິຊາການ ລາວ-ອາເມຣິກາ ໃນການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ (MIA) ຄັ້ງທີ່ 04  ປະຈໍາປີ 2018-2019 ຢູ່ເຂດເມືອງບົວລະພາ, ແຂວງຄໍາມ່ວນ ແລະ ເມືອງວິລະບູລີ, ເເຂວງສະຫວັນນະເຂດ.

ໃນຕອນເຊົ້າວັນທີ 12 ມິຖຸນາ 2019, ທີ່ ກະຊວງການຕ່າງປະເທດ, ທ່ານ ນາງ ຄໍາເພົາ ເອີນທະວັນ, ຮອງລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບ ແລະ ຍື່ນຂໍ້ຕົກລົງແຕ່ງຕັ້ງຂອງ ທ່ານ ຫວູ້ ແອ່ງ ຢຸ້ງ ເພື່ອມາດຳລົງຕຳແໜ່ງເປັນ ກົງສຸນໃຫຍ່ ຄົນໃໝ່ ແຫ່ງ ສສ. ຫວຽດນາມ ປະຈຳ 3 ແຂວງພາກກາງຂອງລາວ, ຊຶ່ງມີສຳນັກງານຕັ້ງຢູ່ ແຂວງສະຫວັນນະເຂດ, ສປປ ລາວ.

ໃນຕອນເຊົ້າຂອງວັນທີ 11ມິຖຸນາ 2019, ທີ່ ກະຊວງການຕ່າງປະເທດ. ທ່ານ ນາງ ຄໍາເພົາ ເອີນທະວັນ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ແລະພົບປະສອງຝ່າຍກັບ ທ່ານ ນາງ ໂທຊິໂກະ ອາເບະ (Toshiko ABE), ຮອງລັດ​ຖະ​ມົນ​ຕີ​ຕ່າງ​ປະ​ເທດ​ຍີ່​ປຸ່ນ ພ້ອມດ້ວຍຄະນະໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະຫວ່າງວັນທີ 09-11 ມິຖຸນາ 2019.