ໃນວັນທີ 15 ກຸມພາ 2023, ທີ່ ທຳນຽບປະທານາທິບໍດີ, ນະຄອນຫລວງ ນິວແດນລີ, ສາທາລະນະລັດ ອິນເດຍ, ທ່ານ ບຸນມີ ວັນມະນີ ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ ນ. ດຣໍປາດີ ມູມູ (Doupadi Murmu), ປະທານາທິບໍດີແຫ່ງ ສາທາລະນະລັດ ອິນເດຍ, ເພື່ອດຳລົງຕໍາແຫນ່ງເປັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສາທາລະນະລັດ ອິນເດຍ.

ໃນຕອນເຊົ້າຂອງວັນ​ທີ 07 ກຸມພາ 2023 ຜ່ານມານີ້, ທ່ານ ນາງ ວິ­ລາ­ວັນ ເຍ່ຍ​ປໍ​ເຮີ, ເອກ​ອັກ​ຄະ​ລັດ​ຖະ​ທູດ​ວິ­ສາ­ມັນ​ຜູ້​ມີ​ອຳນາດ​ເຕັມ ​ແຫ່ງ ສປປ ລາວ ປະ­ຈຳ ​ສະ­ຫະ​ພັນ​ຣັດ​ເຊຍ ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ Iiham Aliyev, ປະ­ທາ­ນາ­ທິບໍດີແຫ່ງ ສາ­ທາລະ­ນະລັດ​ອາແຊັກໄບຊານ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສາ­ທາ­ລະ­ນະ​ລັດ​ ອາແຊັກໄບຊານ ທີ່ມີສໍານັກງານຕັ້ງຢູ່ ນະຄອນຫລວງມົດສະກູ, ສ. ຣັດເຊຍ.

     ເພື່ອດຳລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ຄົນໃໝ່ ປະຈຳ ສະຫະຣາຊະອານະຈັກ ອັງກິດ ແລະ ອຽກລັງເໜືອ, ທ່ານ ດວງມະນີ ຍອດສີອຸດົມ ໄດ້ຮັບກຽດເຂົ້າເຝົ້າ ແລະ ຍື່ນສານຕາຕັ້ງຂອງ ພະນະທ່ານ ທອງລຸນ ສີສຸລິດ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຕໍ່ສົມເດັດ ພະຣາຊາ ຊາລສ ທີ III ແຫ່ງ ສະຫະຣາຊະອະນາຈັກອັງກິດ ທີ່ ພະລາດຊະວັງ ບັກຄິງແຮມ, ລອນດອນ, ໃນຕອນເຊົ້າຂອງວັນທີ 02 ກຸມພາ 2023 ທີ່ຜ່ານມາ, ພາຍໃຕ້ພິທິການຢ່າງສົມກຽດ.