ໃນວັນທີ 26 ທັນວາ 2022 ທີ່ບາງກອກ ປະເທດໄທ; ສະຖານເອກອັກຄະລັດຖະທູດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາຣາຊະອານາຈັກໄທ ໄດ້ຈັດພິທີສະເຫລີມສະຫລອງວັນຊາດ 2 ທັນວາ, ຄົບຮອບ 47 ປີ. ພິທີດັ່ງກ່າວໄດ້ຈັດຂຶ້ນຢ່າງຟົດຟື້ນ ແລະ ມີເນື້ອໃນອັນເລິກເຊິ່ງທາງດ້ານປະຫວັດສາດ, ການປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງການພົວພັນຮ່ວມມື ລະຫວ່າງ ລາວ-ໄທ.
ກອງປະຊຸມໃຫຍ່ ຂອງໜ່ວຍພັກສະຖານທູດ ແຫ່ງ ສປປ. ລາວ ທີ່ ນະຄອນຫຼວງບາງກອກ ປະເທດໄທ ຄັ້ງທີ VI ໄດ້ໄຂຂຶ້ນໃນຕອນເຊົ້າຂອງວັນທີ 25 ພະຈິກ 2022, ມີຜູ້ແທນສົມບູນເຂົ້າຮ່ວມທັງໝົດ 30 ສະຫາຍ, ຍິງ 05 ສະຫາຍ ແລະ ສະມາຊິກພັກສໍາຮອງ 3 ສະຫາຍ (ຍິງ 1 ສະຫາຍ), ພາຍໃຕ້ການເປັນປະທານຮ່ວມຂອງ ສະຫາຍ ຕິ່ງ ສຸກສັນ, ຮອງເລຂາຄະນະພັກກະຊວງການຕ່າງປະເທດ ແລະ ສະຫາຍ ຄໍາພັນ ອັ່ນລາວັນ, ເລຂາໜ່ວຍພັກສະຖານທູດ.
ໃນວັນທີ 18-20/11/2022 ທ່ານ ອະໂສກະ ຣາຊະພົນ, ອັກຄະລັດຖະທູດທີ່ປຶກສາ ປະຈໍາສະຖານທູດລາວ ທີ່ ປາຣີ, ໄດ້ຕາງໜ້າໃຫ້ຄະນະຜູ້ແທນລາວ ເພື່ອເຂົ້າຮ່ວມກອງປະຊຸມລັດຖະມົນຕີຝຣັງໂກໂຟນີ ຄັ້ງທີ 43 ແລະ ກອງປະຊຸມສຸດຍອດ ຝຣັງໂກໂຟນີ ຄັ້ງທີ 18 ທີ່ເກາະ ແຊກບາ, ປະເທດ ຕຸຍນີຊີ. ອົງການຝຣັ່ງໂກໂຟນີ ສ້າງຕັ້ງຂື້ນ ໃນປີ 1970 ທີ່ ນິອາເມ ປະເທດ ນິແຊຣ ອົງການ ຝະລັ່ງໂກໂຟນີ ມີເປົ້າຫມາຍຫລັກ ແມ່ນສົ່ງເສີມການຮຽນການສອນ ແລະການນຳໃຊ້ ພາສາ ຝະລັ່ງ ໃນຂອບເຂດທົ່ວໂລກ ເຊິ່ງມາເຖິງປະຈຸບັນ ມີຢູ່ ປະມານ 321 ລ້ານຄົນ ທີ່ໃຊ້ພາສາ ຝະລັ່ງ ໃນໂລກ. ຕໍ່ມາ ຝະລັ່ງໂກໂຟນີ ໄດ້ຫລີ້ນບົດບາດ ເປັນອົງການທາງດ້ານການເມືອງ ເພື່ອສົ່ງເສີມສັນຕິພາບ, ຄວາມເປັນລະບຽບຮຽບຮ້ອນທາງດ້ານສັງຄົມ, ສິດທິມະນຸດ ແລະຄວາມສະເຫມີພາບຍິງ-ຊາຍ, ການຮ່ວມມືເສດຖະກິດ ດີຈີຕອລ໌, ການພັດທະນາທີ່ຍືນຍົງ ແລະຍົກສູງບົດບາດຂອງຊາວຫນຸ່ມໃນສັງຄົມ. ໃນກອງປະຊຸມ ຄັ້ງນີ້ ມີຜູ້ເຂົ້າຮ່ວມທີ່ມາຈາກບັນດາປະເທດທີ່ເປັນສະມາຊິກ ຂອງ ອົງການ ຝຮັງໂກໂຟນີສາກົນ, ຊຶ່ງລວມມີປະເທດທີ່ເປັນສະມາຊິກສົມບູນ 54 ປະເທດ, ປະເທດສັງເກດການ 27 ປະເທດ ແລະ ປະເທດສົມທົບ 7 ປະເທດ. ສປປ ລາວ ໄດ້ເຂົ້າເປັນ ສະມາຊິກ ສົມບູນ ມາແຕ່ ປີ 1991.