ພະນະທ່ານ ພັນຄຳ ວິພາວັນ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ຂ້າພະເຈົ້າ ຂໍສະແດງຄວາມຊົມເຊີຍອັນອົບອຸ່ນ ມາຍັງ ພະນະທ່ານ ທີ່ໄດ້ເລື່ອນຕຳແໜ່ງເປັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ພະນະທ່ານ ໄດ້ມີບົດບາດອັນສຳຄັນໃນການເສີມສ້າງສາຍພົວພັນສອງຝ່າຍຂອງພວກເຮົາ ໃນໄລຍະທີ່ ພະນະທ່ານ ດຳລົງຕຳແໜ່ງເປັນ ລັດຖະມົນຕີກະຊວງສຶກສາທິການ ແລະ ກິລາ ແລະ ຂ້າພະເຈົ້າ ເຊື່ອໝັ້ນວ່າ ສາຍພົວພັນດັ່ງກ່າວ ຈະໄດ້ຮັບການສືບຕໍ່ເສີມຂະຫຍາຍ ພາຍໃຕ້ການຊີ້ນຳ-ນຳພາຂອງ ພະນະທ່ານ. ຂ້າພະເຈົ້າ ຫວັງວ່າ ຈະໄດ້ເຮັດວຽກຮ່ວມກັບ ພະນະທ່ານ ເພື່ອສົ່ງເສີມວິໄສທັດ ອິນໂດ-ປາຊີຟິກ ທີ່ເປີດກວ້າງ ແລະ ຈະເລີນຮຸ່ງເຮືອງ ແລະ ມຸ້ງມາດປາດຖະໜາໃນການເປັນຄູ່ຮ່ວມມືຍຸດທະສາດຮອບດ້ານກັບ ອາຊຽນ ຂອງ ອົດສະຕຣາລີ.
ນະຄອນຫລວງວຽງຈັນ, ວັນທີ 31 ພຶດສະພາ 2021
ສະຫາຍ ຟ້າມ ມິງ ຈິງ, ທີ່ນັບຖື ຮັກແພງ
ຂ້າພະເຈົ້າ ໄດ້ຕິດຕາມຂ່າວສະພາບການແຜ່ລະບາດຂອງພະຍາດໂຄວິດ-19 ຮອບໃຫມ່ ຢູ່ ສສ ຫວຽດນາມ ຢ່າງໃກ້ຊິດ ແລະ ຊາບວ່າ ການແຜ່ລະບາດໃນຮອບນີ້ ແມ່ນ ໄດ້ຂະຫຍາຍແບບວົງກວ້າງ ແລະ ໄວວາເຂົ້າສູ່ຫຼາຍແຂວງທີ່ສຳຄັນຂອງຫວຽດນາມ. ຕໍ່ກັບສະພາບການດັ່ງກ່າວນີ້, ເພື່ອສະກັດກັ້ນບໍ່ໃຫ້ຂະຫຍາຍອອກໄປວົງກວ້າງກວ່ານີ້, ພັກ ແລະ ລັດຖະບານ ຫວຽດນາມ ອ້າຍນ້ອງໄດ້ວາງມາດຕະການຢ່າງຖືກຕ້ອງ ແລະ ທັນການ ໂດຍໄດ້ຮັບການສະໜັບສະໜຸນ ແລະ ຮ່ວມມືຈາກປະຊາຊົນຫວຽດນາມໃນທົ່ວປະເທດ, ສະຫາຍຫວຽດນາມກໍ່ສາມາດຄວບຄຸມສະຖານະການໄດ້ໂດຍພື້ນຖານ, ເຖິງແມ່ນວ່າການແຜ່ລະບາດຢູ່ບາງເຂດເຊັ່ນ ແຂວງ ບັກຢາງ ແລະ ໂຮຈິມີນ ຍັງມີຈໍານວນໂຕເລກສູງກໍ່ຕາມ.
ພະນະທ່ານ ແຊຈິໂອ ມັດຕາແລນລາ
ປະທານາທິບໍດີ ແຫ່ງ ສາທາລະນະລັດ ອີຕາລີ
ທີ່ ນະຄອນຫຼວງໂຣມ
ພະນະທ່ານ,
ໃນນາມປະຊາຊົນລາວທັງຊາດ ແລະ ໃນນາມສ່ວນຕົວ, ຂ້າພະເຈົ້າມີຄວາມປິຕິຍິນດີ ເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ແລະ ປະຊາຊົນ ອີຕາລີ ທຸກຖ້ວນໜ້າ ເນື່ອງໃນໂອກາດສະເຫຼີມສະຫຼອງວັນຊາດ ແຫ່ງ ສາທາລະນະລັດ ອີຕາລີ ຄົບຮອບ 75 ປີ.