ພະນະທ່ານ ບຸນຍັງ ວໍລະຈິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ໃນນາມປະຊາຊົນສິງກະໂປ, ຂ້າພະເຈົ້າ ຂໍສົ່ງຄຳ​ຊົມ​ເຊີຍອັນອົບອຸ່ນ ເນື່ອງໃນໂອກາດ ວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ​.

ສິງກະໂປ ແລະ ລາວ ໄດ້ແບ່ງປັນນຳໃຈມິດຕະພາບອັນຍາວນານ ແລະ ອົບອຸ່ນ. ການຢ້ຽມຢາມທາງລັດຖະກິດທີ່ ສິງກະໂປ ຂອງ ພະນະທ່ານ ໃນເດືອນພຶດສະພາ 2018 ໄດ້ກາຍເປັນຫຼັກຖານໃນການຮ່ວມມືສອງຝ່າຍອັນແໜ້ນແຟ້ນຂອງ ສອງປະເທດພວກເຮົາ. ຂ້າພະເຈົ້າເຊື່ອໝັ້ນວ່າ ສາຍພົວພັນທີ່ດີງາມຂອງສອງປະເທດເຮົາ ຈະສືບຕໍ່ຂະຫຍາຍຕົວໃນຊຸມປີຕໍ່ໜ້າ. ພ້ອມກັນນັ້ນ, ຂ້າພະເຈົ້າຂໍສະແດງຄວາມຂອບໃຈ ທີ່ ລາວ ໄດ້ໃຫ້ການສະໜັບສະໜູນ ການເປັນປະທານ ອາຊຽນຂອງ ສິງກະໂປ ໃນປີນີ້. ສິງກະໂປ ໃຫ້ຄຳໝັ້ນສັນຍາວ່າ ຈະສືບຕໍ່ ເພີ່ມທະວີການເປັນຄູ່ຮ່ວມມືລະຫວ່າງ ສອງປະເທດທີ່ໃກ້ຊິດໃນຂອບສອງຝ່າຍ ແລະ ອາຊຽນເພື່ອຜົນປະໂຫຍດ ຂອງ ປະຊາຊົນ ທັງສອງຊາດ.

ຂ້າພະເຈົ້າຂໍອວຍພອນໄຊອັນປະເສີດມາຍັງ ພະນະທ່ານ ແລະ ຄອບຄົວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ.

ດ້ວຍ​ຄວາມເຄົາລົບ ແລະ ​ນັບ​ຖື​ຢ່າງ​ສູງ,

ຮາລິມາສ ຢາຄອບ

ພະ​ນະ​ທ່ານ ບຸນຍັງ ວໍລະຈິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ເນື່ອງໃນໂອກາດສະເຫຼີມສະຫຼອງວັນສະຖາປະນາ ສປປ ລາວ, ໃນນາມລັດຖະບານ ແລະ ປະຊາຊົນ ແຫ່ງ ລັດປາແລັດສະຕິນ ແລະ ໃນນາມສ່ວນຕົວ, ຂ້າພະເຈົ້າ ມີຄວາມຍິນດີເປັນຢ່າງຍິ່ງສົ່ງຄຳຊົມເຊີຍອັນອົບອຸ່ນ ແລະ ຈິງໃຈມາຍັງ ພະນະທ່ານ. ໃນໂອກາດດັ່ງກ່າວນີ້, ຂໍອວຍພອນໃຫ້ ພະນະທ່ານ ພ້ອມດ້ວຍປະເທດຊາດ ແລະ ປະຊາຊົນລາວເພື່ອນມິດ ຈົ່ງສືບຕໍ່ມີຄວາມກ້າວໜ້າ ແລະ ວັດທະນະຖາວອນ. ພວກຂ້າພະເຈົ້າ ຂໍສະແດງຄວາມຂອບໃຈມາຍັງ ພະນະທ່ານ ສຳລັບການສະໜັບສະໜູນ ແລະ ຄວາມສາມັກຄີທີ່ມີຕໍ່ປະຊາຊົນ ພວກຂ້າພະເຈົ້າ ໃນພາລະກິດຕໍ່ສູ້ຕ້ານການຮຸກຮານ ເພື່ອສ້າງຕັ້ງລັດເອກະລາດ ໂດຍມີ ເຈລູຊາເລມຕາເວັນອອກ ເປັນນະຄອນຫຼວງ ເຊິ່ງເປັນເມືອງທີ່ເອື້ອເຟື້ອເພື່ອແຜ່ ແລະ ສັນຕິພາບ.

ນະຄອນຫຼວງ​ເຊອູນ, ວັນ​ທີ2 ທັນວາ 2018

ພະນະ​ທ່ານບຸນຍັງ ວໍລະຈິດ                                                              

ປະທານ​ປະ​ເທດ ແຫ່ງ​ສາທາລະນະ​ລັດປະຊາທິປະ​ໄຕປະຊາ​ຊົນ​ລາວ

ພະນະ​ທ່ານ,

          ​ເນື່ອງ​ໃນ​ໂອກາດ​ ສະ​ເຫລີມສະຫລອງວັນສະຖາປະນາ ​ສາທາລະນະ​ລັດ​ປະຊາທິປະໄຕ ປະຊາຊົນລາວ ຄົບຮອບ 43 ປີ, ຂ້າພະ​ເຈົ້າ​ຂໍສົ່ງຄຳ​ຊົມ​ເຊີຍ​ອັນ​ອົບ​ອຸ່ນ​ມາ​ຍັງພະນະ​ທ່ານ ​ແລະ ​ປະຊາຊົນ ແຫ່ງ ສາທາລະນະ​ລັດ​ປະຊາທິປະໄຕ ປະຊາຊົນລາວ ທຸກ​ຖ້ວນໜ້າ.