ວັນທີ 25 ພະຈິກ 2018
ພະນະທ່ານ ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ຂ້າພະເຈົ້າ ຂໍຖືໂອກາດນີ້ ສົ່ງຄໍາຊົມເຊີຍອັນອົບອຸ່ນ ແລະ ຈິງໃຈ ມາຍັງ ພະນະທ່ານ ແລະ ປະຊາຊົນລາວ ເພື່ອນມິດ ເນື່ອງໃນໂອກາດວັນຊາດ ແຫ່ງ ສປປ ລາວ, ພ້ອມນີ້ ປະຊາຊົນ ສະຫະອາຣັບ ເອມີເຣດ ກໍ່ຂໍສະແດງຄວາມຍິນດີຮ່ວມກັບ ປະຊາຊົນລາວ ໃນໂອກາດນີ້ດ້ວຍ.
ຂ້າພະເຈົ້າ ຂໍອວຍພອນໃຫ້ ພະນະທ່ານ ມີພະລານາໄມສົມບູນ, ມີຄວາມຜາສຸກ ແລະ ສືບຕໍ່ປະສົບຜົນສໍາເລັດໃນໜ້າທີ່ວຽກງານ, ແລະ ຂໍອວຍພອນໃຫ້ປະຊາຊົນລາວ ຈົ່ງມີຄວາມສະຫວັດດີພາບ ແລະ ມີຄວາມສຸກ.
ດ້ວຍຄວາມເຄົາລົບ ແລະ ນັບຖືຢ່າງສູງ,
ຄາລິຟາ ບິນ ຊາຢິດ ອາລ ນາຢັນ
ປະທານາທິບໍດີ ແຫ່ງ ສະຫະອາຣັບ ເອມີເຣດ
ພະນະທ່ານ ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ເນື່ອງໃນໂອກາດວັນຊາດ ແຫ່ງ ສປປ ລາວ, ຂ້າພະເຈົ້າ ມີຄວາມຍິນດີ ສົ່ງຄໍາຊົມເຊີຍອັນອົບອຸ່ນ ແລະ ຈິງໃຈ ມາຍັງ ພະນະທ່ານ ແລະ ປະຊາຊົນລາວ ເພື່ອນມິດ ແລະ ຂໍອວຍພອນໄຊໃຫ້ ພະນະທ່ານ ຈົ່ງມີພະລານາໄມສົມບູນ ແລະ ມີຄວາມຜາສຸກ, ພ້ອມນີ້ກໍຂໍອວຍພອນໃຫ້ປະຊາຊົນລາວ ພາຍໃຕ້ການນຳພາອັນສະຫຼາດສ່ອງໃສຂອງ ພະນະທ່ານ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ.
ດ້ວຍຄວາມເຄົາລົບ ແລະ ນັບຖືຢ່າງສູງ,
ໂມຮໍາເມັດ ບິນ ຣາຊີດ ອາລ ມາກຕູມ
ຮອງປະທານາທິບໍດີ, ນາຍົກລັດຖະມົນຕີ, ເຈົ້າຄອງນະຄອນ ດູໄບ
ພະນະທ່ານ ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ເນື່ອງໃນໂອກາດວັນຊາດ ແຫ່ງ ສປປ ລາວ, ຂ້າພະເຈົ້າ ມີຄວາມຍິນດີ ສົ່ງຄໍາຊົມເຊີຍອັນອົບອຸ່ນ ແລະ ຈິງໃຈ ມາຍັງ ພະນະທ່ານ ແລະ ປະຊາຊົນລາວເພື່ອນມິດ ແລະ ຂໍອວຍພອນໄຊໃຫ້ ພະນະທ່ານ ຈົ່ງມີພະລານາໄມສົມບູນ ແລະ ມີຄວາມຜາສຸກ ແລະ ຂໍອວຍພອນໃຫ້ປະຊາຊົນລາວ ພາຍໃຕ້ການນຳພາອັນສະຫຼາດສ່ອງໃສຂອງ ພະນະທ່ານ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ.
ດ້ວຍຄວາມເຄົາລົບ ແລະ ນັບຖືຢ່າງສູງ,
ໂມຮໍາເມັດ ບິນ ຊາຢິດ ອາລ-ນາຢັນ
ອົງມົງກຸດຣາຊະກຸມມານ ແຫ່ງ ດູໄບ
ຮອງຜູ້ບັນຊາການທະຫານສູງສຸດ, ກອງທັບ ສະຫະອາຣັບ ເອມີເຣດ
ພະນະທ່ານ ທອງລຸນ ສີສຸລິດ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ເນື່ອງໃນໂອກາດວັນຊາດ ແຫ່ງ ສປປ ລາວ, ຂ້າພະເຈົ້າ ມີຄວາມຍິນດີ ສົ່ງຄໍາຊົມເຊີຍອັນອົບອຸ່ນ ແລະ ຈິງໃຈ ມາຍັງ ພະນະທ່ານ ແລະ ປະຊາຊົນລາວ ເພື່ອນມິດ ແລະ ຂໍອວຍພອນໄຊໃຫ້ ພະນະທ່ານ ຈົ່ງມີພະລານາໄມສົມບູນ ແລະ ມີຄວາມຜາສຸກ, ພ້ອມນີ້ກໍຂໍອວຍພອນໃຫ້ປະຊາຊົນລາວ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ.
ດ້ວຍຄວາມເຄົາລົບ ແລະ ນັບຖືຢ່າງສູງ,
ໂມຮໍາເມັດ ບິນ ຣາຊີດ ອາລ ມາກຕູມ
ຮອງປະທານາທິບໍດີ, ນາຍົກລັດຖະມົນຕີ, ເຈົ້າຄອງນະຄອນ ດູໄບ
ພະນະທ່ານ ທອງລຸນ ສີສຸລິດ
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ເນື່ອງໃນໂອກາດວັນຊາດ ແຫ່ງ ສປປ ລາວ, ຂ້າພະເຈົ້າ ຂໍຖືໂອກາດນີ້ ສົ່ງຄໍາຊົມເຊີຍອັນອົບອຸ່ນ ແລະ ຈິງໃຈ ມາຍັງພະນະທ່ານ ແລະ ປະຊາຊົນລາວເພື່ອນມິດ ແລະ ຂໍອວຍພອນໄຊອັນປະເສີດໃຫ້ ພະນະທ່ານ ຈົ່ງມີພະລານາໄມສົມບູນ ແລະ ມີຄວາມຜາສຸກ ແລະ ຂໍອວຍພອນໃຫ້ປະຊາຊົນລາວເພື່ອນມິດ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ.
ດ້ວຍຄວາມເຄົາລົບ ແລະ ນັບຖືຢ່າງສູງ,
ໂມຮໍາເມັດ ບິນ ຊາຢິດ ອາລ-ນາຢັນ
ອົງມົງກຸດຣາຊະກຸມມານ ແຫ່ງ ດູໄບ
ຮອງຜູ້ບັນຊາການທະຫານສູງສຸດ, ກອງທັບ ສະຫະອາຣັບ ເອມີເຣດ
ພະນະທ່ານປີເຕີ ໂກສກຣົບ
ຜູ້ສຳເລັດຣາຊະການ ແຫ່ງ ເຄືອຈັກກະພົບ ອົດສະຕຣາລີ
ພະນະທ່ານບຸນຍັງວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ
ພະນະທ່ານ,
ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ, ຂ້າພະເຈົ້າພ້ອມດ້ວຍ ລັດຖະບານ ແລະ ປະຊາຊົນ ອົດສະຕຣາລີ ຂໍສົ່ງຄຳອວຍພອນອັນອົບອຸ່ນມາຍັງ ພະນະທ່ານ, ລັດຖະບານ ແລະ ປະຊາຊົນລາວ ທຸກຖ້ວນໜ້າ.
ສາຍພົວພັນຂອງພວກເຮົາ ມີຄວາມແໜ້ນແຟ້ນຍິ່ງຂຶ້ນໃນປີນີ້. ອົດສະຕຣາລີ ມີຄວາມຍິນດີທີ່ໄດ້ຕ້ອນຮັບ ພະນະທ່ານ ນາຍົກລັດຖະມົນຕີ ທອງລຸນ ສີສຸລິດ ໃນໂອກາດເຂົ້າຮ່ວມກອງປະຊຸມສຸດຍອດອາຊຽນ-ອົດສະຕຣາລີ ສະໄໝພິເສດ ທີ່ ຊິດນີ້ ໃນເດືອນມີນາ 2018 ທີ່ຜ່ານມາ, ຊຶ່ງເປັນການຢ້ຽມຢາມ ອົດສະຕຣາລີ ຂອງ ນາຍົກລັດຖະມົນຕີລາວ ໃນຮອບ 25 ປີ, ລວມທັງຜົນສຳເລັດໃນການຈັດກອງປະຊຸມພາກທຸລະກິດລາວ - ອົດສະຕຣາລີ ເພຶ່ອເປັນການສືບຕໍ່ສົ່ງເສີມການຄ້າ ແລະ ການລົງທຶນສອງຝ່າຍ ໃຫ້ຂະຫຍາຍຕົວຍິ່ງຂຶ້ນ.
ຂ້າພະເຈົ້າ ຂໍອວຍພອນໃຫ້ການຟື້ນຟູເຫດການນໍ້າຖ້ວມໜັກ ແລະ ເຫດການສັນເຂື່ອນແຕກຢູ່ ແຂວງອັດຕະປື ໃນປີນີ້ປະສົບຜົນສຳເລັດ. ອົດສະຕຣາລີ ມີຄວາມພາກພູມໃຈທີ່ໄດ້ໃຫ້ການຊ່ວຍເຫຼືອສຸກເສີນ ແລະ ການສະໜັບສະໜູນໄລຍະຍາວຕໍ່ກັບເຫດການດັ່ງກ່າວ. ພວກຂ້າພະເຈົ້າ ຢືນຍັນຈະສືບຕໍ່ສະໜັບສະໜູນການພັດທະນາຂອງ ສປປ ລາວ ໃນຫຼາຍຂົງເຂດ ຜ່ານໂຄງການຊ່ວຍເຫຼືອຂອງພວກຂ້າພະເຈົ້າ.
ການພົວພັນລະຫວ່າງ ປະຊາຊົນ ກັບ ປະຊາຊົນ ໄດ້ປະກອບສ່ວນສໍາຄັນຕໍ່ສາຍພົວພັນລະຫວ່າງສອງປະເທດ. ປັດຈຸບັນມີນັກສຶກສາລາວຫຼາຍກວ່າ 440 ຄົນ ກຳລັງສຶກສາຢູ່ ອົດສະຕຣາລີ ແລະ ມີນັກສຶກສາລາວທີ່ຈົບການສຶກສາຈາກ ອົດສະຕຣາລີ ຫຼາຍກວ່າ 2.400 ຄົນ. ພ້ອມດຽວກັນນີ້, ຄາດວ່າຈະມີ ນັກທ່ອງທ່ຽວ ອົດສະຕຣາລີ ປະມານ 15.000 ຄົນ ເດີນທາງເຂົ້າມາທ່ອງທ່ຽວ ຢູ່ ສປປ ລາວ ໃນໂອກາດປີທ່ອງທ່ຽວລາວ 2018.
ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບລະຫວ່າງສອງປະເທດພວກເຮົາ ຈະສືບຕໍ່ຈະເລີນຮຸ່ງເຮືອງໃນຊຸມປີຕໍ່ໜ້າ.
ດ້ວຍຄວາມເຄົາລົບ ແລະ ນັບຖືຢ່າງສູງ.
ປີເຕີ ໂກສກຣົບ
ໂນໂຣດົມ ສີຫາໂມນີ
ພະມະຫາກະສັດ ແຫ່ງ ຣາຊະອານາຈັກ ກຳປູເຈຍ
ເຖິງ
ພະນະທ່ານ ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ ປະທານປະເທດ,
ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ມີຄວາມປິຕິຍິນດີ ສົ່ງຄຳຊົມເຊີຍອັນອົບອຸ່ນ ມາຍັງພະນະທ່ານ ແລະ ຂໍອວຍພອນຢ່າງຈິງໃຈມາຍັງພະນະທ່ານ ຈົ່ງມີພາລານາໄມສົມບູນ, ຄວາມຜາສຸກ ແລະ ອວຍພອນແດ່ປະຊາຊົນລາວ ຈົ່ງມີຄວາມວັດທະນາຖາວອນ.