ໃນຕອນບ່າຍຂອງວັນ​ທີ 5 ກໍລະກົດ 2022, ທີ່ ກະຊວງການຕ່າງປເທດ, ທ່ານ ໂພໄຊ ໄຂຄຳພິທູນ, ຮອງລັດ​ຖະ​ມົນ​ຕີ​​ກະ​ຊວງ​ການ​ຕ່າງ​ປະ​ເທດ ໄດ້​ຕ້ອນ​ຮັບ​ການ​ເຂົ້າ​ຢ້ຽມ​ອຳ​ລາຂອງ ທ່ານ Nadav Eshcar, ເອກອັກຄະລັດຖະທູດຜູ້ມີອໍານາດເຕັມ ແຫ່ງ ອິດສະຣາແອນ ປະຈໍາ ສປປ ລາວ, ເຊິ່ງມີສໍານັກງານຕັ້ງຢູ່ ຮ່າໂນ້ຍ ສສ. ຫວຽດນາມ, ໃນໂອກາດທີ່ທ່ານໄດ້ສຳເລັດການປະຕິບັດໜ້າທີ່ການທູດ ຢູ່ ສປປ ລາວ.

ທ່ານ ໂພໄຊ ໄຂຄໍາພິທູນ, ຮອງລັດຖະມົນຕີກະຊວງການຕ່າງປະເທດ, ຜູ້ຕາງໜ້າພິເສດ ແຫ່ງ ສປປ ລາວ

ເຂົ້າຢ້ຽມຂໍ່ານັບ ທ່ານ Ferdinand R. Marcos Jr., ປະທານາທິບໍດີ ແຫ່ງ ສາທາລະນະລັດ ຟິລິບປິນ ຄົນໃໝ່, ໃນວັນທີ 1 ກໍລະກົດ 2022

ໂດຍຕອບສະໜອງຕາມການເຊື້ອເຊີນຂອງລັດຖະບານ ແຫ່ງ ສາທາລະນະລັດ ຟີລິບປິນ ທ່ານ ໂພໄຊ ໄຂຄຳພິທູນ, ຮອງລັດຖະມົນຕີກະຊວງການຕ່າງປະເທດ, ໃນຖານະຜູ້ຕາງໜ້າພິເສດ ພະນະທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ໄດ້ເດີນທາງເຂົ້າຮ່ວມພິທີສາບານຕົນເຂົ້າຮັບຕຳແໜ່ງປະທານາທິບໍດີ ແຫ່ງ ສາທາລະນະລັດ ຟິລິບປິນ ຄົນທີ 17 ຂອງ ພະນະທ່ານ Ferdinand R. Marcos Jr., ໃນລະຫວ່າງວັນທີ 29 ມິຖຸນາ - 1 ກໍລະກົດ 2022 ທີ່ ນະຄອນຫຼວງມະນີລາ, ປະເທດ ຟິລິບປິນ.

      ໃນລະຫວ່າງວັນທີ 30 ມິຖຸນາ - 1 ກໍລະກົດ 2022, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ນຳພາຄະນະ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ-ສ.ເກົາຫຼີ ຄັ້ງທີ 26 ທີ່ ເຊອູນ, ສ.ເກົາຫຼີ ພາຍໃຕ້ການເປັນປະທານຮ່ວມຂອງ ຫວຽດນາມ ແລະ ສ.ເກົາຫລີ, ຊຶ່ງ​ເປັນ​ກອງ​ປະ​ຊຸມ​ເຊິ່ງ​ໜ້າ​ຄັ້ງ​ທຳ​ອິດ​ໃນ​ຮອບ 2 ປີ ພາຍຫຼັງ​ເກີດ​ການ​ແຜ່​ລ​ະບາດ​​ຂອງ​ພະ​ຍາດ​ໂຄວິດ-19.