ນະຄອນຫລວງ​ວຽງ​ຈັນ,ວັນ​ທີ 26 ມິຖຸນາ 2020

ພະນະ​ທ່ານ,

​ເນື່ອງ​ໃນ​ໂອກາດ​ວັນຊາດ ​ແຫ່ງສາທາລະນະລັດ ມາດາກາສະກາ ຄົບຮອບ 60ປີ,ຂ້າພະ​ເຈົ້າ ມີ​ຄວາມ​ຍິນດີ​ເປັນ​ຢ່າງ​ຍິ່ງ ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ​ມາ​ຍັງ ພະນະ​ທ່ານ ແລະ ປະຊາຊົນ ມາດາກາສະກາທຸກຖ້ວນໜ້າ. ​

ນະຄອນຫຼວງວຽງຈັນ, ວັນທີ 25 ມິຖຸນາ 2020

ພະນະທ່ານ,

ເນື່ອງໃນໂອກາດສະ​ເຫລີ​ມສະຫລອງວັນຊາດ ​ແຫ່ງ ສາທາລະນະລັດ ໂມຊຳບິກ ຄົບຮອບ 45 ປີ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນຈິງໃຈ ແລະ ພອນໄຊອັນປະເສີດມາຍັງ ພະນະທ່ານ ແລະ ປະຊາຊົນ ໂມຊຳບິກ ທຸກຖ້ວນໜ້າ.

ນະຄອນຫຼວງວຽງຈັນ, ວັນທີ      ມິຖຸນາ 2020

       ພະນະທ່ານ,

ເນື່ອງໃນໂອກາດພິທີສະເຫຼີມສະຫຼອງ ວັນໄຊຊະນະສົງຄາມປົກປ້ອງປິຕຸພູມ ຄົບຮອບ 75 ປີ ເຊິ່ງຈະຈັດຂຶ້ນໃນວັນທີ 24 ມິຖຸນາ 2020 ຈະມາເຖິງນີ້, ຕາງໜ້າໃຫ້ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍຢ່າງສຸດໃຈ ແລະ ຈາລຶກຄຸນງາມຄວາມດີ ກໍ່ຄືລັດທິວິລະຊົນອັນຍິ່ງໃຫຍ່ ຂອງ ບັນດານັກຮົບກອງທັບແດງ   ຣັດເຊຍ ທີ່ເສຍສະຫຼະເລືອດເນື້ອໃນການຕໍ່ສູ້ເພື່ອປົກປ້ອງປິຕຸພູມ ກໍຄືເພື່ອປົດປ່ອຍທະວີບເອີຣົບ ແລະ ພາກພື້ນອື່ນໆຂອງໂລກອອກຈາກເງື້ອມມືຂອງພວກຟາດຊິດທີ່ໂຫດຮ້າຍປ່າເຖື່ອນ.