ທີ່ ນະຄອນຫຼວງວຽງຈັນ, ວັນທີ 29 ສິງຫາ 2017
ພະນະທ່ານເຣັກທາຍເລີສັນ
ລັດຖະມົນຕີຕ່າງປະເທດແຫ່ງສະຫະລັດອາເມລິກາ
ທີ່ວໍຊິງຕັນ, ດີ.ຊີ.
ພະນະທ່ານ,
ຂ້າພະເຈົ້າໄດ້ຊາບຂ່າວດ້ວຍຄວາມເສົ້າສະຫຼົດໃຈເປັນຢ່າງຍິ່ງ ຕໍ່ເຫດໄພທຳມະຊາດນໍ້າຖ້ວມ ທີ່ເກີດຈາກພະຍຸHurricane Harvey ທີ່ ເມືອງ Houston, ລັດ Texas, ອັນໄດ້ເຮັດໃຫ້ປະຊາຊົນອາເມລິກາ ເສຍຊີວິດ ຈຳນວນໜຶ່ງ ແລະ ຊັບສິນຖືກທຳລາຍຢ່າງຫຼວງຫຼາຍ.
ນະຄອນຫຼວງວຽງຈັນ, 23 ສິງຫາ 2017
ພະນະທ່ານ,
ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສະແດງຄວາມຊົມເຊີຍອັນອົບອຸ່ນ ມາຍັງ ພະນະທ່ານ ທີ່ໄດ້ຖືກແຕ່ງຕັ້ງດຳລົງຕຳແໜ່ງ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ສັງຄົມນິຍົມ ສີລັງກາ.
ນະຄອນຫຼວງວຽງຈັນ, ວັນທີ 31 ສິງຫາ2017
ສົມເດັດ ຣາຊາທິບໍດີ,
ເນື່ອງໃນໂອກາດອັນສະຫງ່າລາສີ ແຫ່ງ ການສະເຫລີມສະຫລອງວັນປະກາດເອກະລາດ ແຫ່ງ ມາເລເຊຍ ຄົບຮອບ 60ປີ, ໃນນາມປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສົມເດັດ ຣາຊາທິບໍດີ ແລະ ປະຊາຊົນ ແຫ່ງ ມາເລເຊຍ ເພື່ອນມິດທຸກຖ້ວນຫນ້າ.