ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມພົບປະປຶກສາຫາລືລະຫວ່າງລັດຖະມົນຕີກະຊວງການຕ່າງປະເທດລາວ-ກຳປູເຈຍ

lc bm

ໃນວັນທີ 5 ກັນຍາ 2017, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ທ່ານ ປຣາກ ໂສກົນ, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ແຫ່ງ ຣາຊະອານາຈັກ ກໍາປູເຈຍ ໄດ້ພົບປະປຶກສາຫາລືກັນ ທີ່ ນະຄອນຫຼວງພະນົມເປັນ, ຣາຊະອານາຈັກ ກຳປູເຈຍ ໂດຍປະຕິບັດຕາມການຕົກລົງ ຈັດກອງປະຊຸມຂອງສອງນາຍົກລັດຖະມົນຕີ ລາວ ແລະ ກຳປູເຈຍ ຄັ້ງວັນທີ 1 ກັນຍາ 2017 ທີ່ຜ່ານມາ ທີ່ເຫັນດີເປັນເອກະພາບກັນມອບໝາຍໃຫ້ລັດຖະມົນຕີກະຊວງການຕ່າງປະເທດ ທັງສອງປະເທດ ພົບປະປຶກສາຫາລືກັນ ເພື່ອຊອກວິທີທາງໃນການແກ້ໄຂບັນຫາຊາຍແດນທີ່ຍັງຄົງຄ້າງ ເພື່ອກ້າວໄປສູ່ການປັກຫຼັກໝາຍຊາຍແດນ ໃຫ້ສຳເລັດໂດຍໄວ.

ກອງປະຊຸມຄັ້ງນີ້ ໄດ້ດໍາເນີນໄປດ້ວຍບັນຍາກາດທີ່ເຕັມໄປດ້ວຍໄມຕີຈິດມິດຕະພາບ, ຖານບ້ານໃກ້ເຮືອນຄຽງທີ່ມີມູນເຊື້ອອັນດີມາແຕ່ບູຮານນະການ ລະຫວ່າງສອງປະເທດ ຊຶ່ງສອງຝ່າຍໄດ້ເປັນເອກະພາບ ກັນກ່ຽວກັບທິດທາງໃນການຈັດຕັ້ງປະຕິບັດວຽກງານເພື່ອແກ້ໄຂບັນຫາຊາຍແດນ ລະຫວ່າງສອງປະເທດ ທີ່ຍັງຄົງຄ້າງຮ່ວມກັນດັ່ງນີີ້:

1. ສອງຝ່າຍ ໄດ້ເປັນເອກະພາບກັນ ກ່ຽວກັບ ເນື້ອໃນການຮ່າງຈົດໝາຍໃນນາມນາຍົກລັດຖະມົນຕີລາວ ແລະ ນາຍົກລັດຖະມົນຕີກຳປູເຈຍ ເຖິງປະທານາທິບໍດີຝຣັ່ງ ເພື່ອສະເໜີໃຫ້ຝຣັ່ງຊ່ວຍ ສົ່ງທຸກໆແຜນທີ່ ແລະ ເອກະສານທີ່ກ່ຽວຂ້ອງກັບການກໍານົດເສັ້ນຊາຍແດນ ລະຫວ່າງ ລາວ-ກຳປູເຈຍ ສະໄໝຝຣັ່ງປົກຄອງໃຫ້ລັດຖະບານສອງປະເທດລາວ ແລະ ກຳປູເຈຍ ເພື່ອເປັນພື້ນຖານ ໃນການແກ້ໄຂບັນຫາຊາຍແດນທີ່ຍັງຄົງຄ້າງຮ່ວມກັນ.

2. ສອງຝ່າຍຕົກລົງເປັນເອກະພາບກັນມອບໝາຍ ໃຫ້ຄະນະກຳມະການຊາຍແດນສອງຝ່າຍ ລົງກວດກາພື້ນທີ່ຕົວຈິງໃນເວລາອັນໃກ້ໆ ເພື່ອຮ່ວມກັນແກ້ໄຂຈຸດຄົງຄ້າງຊາຍແດນ 4 ຈຸດ ທີ່ຂຶ້ນກັບແຂວງຈຳປາສັກຂອງລາວ ແລະ ແຂວງຊຽງແຕງຂອງກຳປູເຈຍ ເພື່ອກ້າວໄປເຖິງການປັກຫຼັກໝາຍຊາຍແດນຮ່ວມກັນ ໃຫ້ສຳເລັດໂດຍໄວ.

3. ສອງຝ່າຍໄດ້ເປັນເອກະພາບກັນ ໃຫ້ຄະນະກຳມະການຊາຍແດນສອງປະເທດ ມອບໝາຍໃຫ້ຄະນະອະນຸກຳມະການເຕັກນິກ ລາວ-ກໍາປູເຈຍ; ກໍາປູເຈຍ-ລາວ ລົງກວດກາຢູ່ພື້ນທີ່ຕົວຈິງບໍລິເວນຈຸດຄົງຄ້າງ ແກ້ງຕໍໍມໍຄອຍ-ຫ້ວຍຕະເງົາ ຮ່ວມກັນ ຖ້າຈຸດໃດທີ່ສອງຝ່າຍສາມາດຕົກລົງກັນໄດ້ໃຫ້ປັກຫຼັກໝາຍຊາຍແດນໄປພ້ອມ, ທັງນີ້ເພື່ອກ້າວໄປສູ່ການປັກຫຼັກໝາຍຊາຍແດນຕໍ່ໆໄປ.

ນອກຈາກນີ້, ທັງສອງຝ່າຍຍັງໄດ້ປຶກສາຫາລືກັນ ກ່ຽວກັບການສຶກສາຄວາມອາດສາມາດເປັນໄປໄດ້ໃນການປັກຫຼັກໝາຍຖີ່ຮ່ວມກັນໃນຕໍ່ໜ້າ ແລະ ທັງສອງຝ່າຍໄດ້ລົງນາມບົດບັນທຶກ ກອງປະຊຸມດັ່ງກ່າວຮ່ວມກັນ ເພື່ອເປັນພື້ນຖານໃຫ້ແກ່ການຈັດຕັ້ງປະຕິບັດຕໍ່ໄປ. ໝາກຜົນ​ຂອງ​ການ​ປຶກສາ​ຫາລືຂອງລັດຖະມົນຕີກະຊວງການຕ່າງປະເທດສອງປະເທດໃນຄັ້ງນີ້ ​ແມ່ນ​ມີ​ຄວາມ​ໝາຍຄວາມ​ສຳຄັນ​ຕໍ່​ການ​ພົວພັນ ​ແລະ ຮ່ວມ​ມື​ທີ່ດີ ລະຫວ່າງ ສປປ ລາວ ​ແລະ ຣາຊະ​ອານາຈັກ ​ກຳປູເຈຍ ​​ຖືວ່າເປັນບາດກ້າວສຳຄັນໃນການເພີ່ມທະວີຄວາມໄວ້ເນື້ອເຊື້ອໃຈ ແລະ ການຮ່ວມມືກັນ ໃນການແກ້ໄຂບັນຫາຊາຍແດນທີ່ຍັງຄົງຄ້າງໃນຈຸດອື່ນໆທີ່ຍັງເຫລືອ ເພື່ອເຮັດໃຫ້ເສັ້ນຊາຍແດນກາຍເປັນເສັ້ນຊາຍແດນ ແຫ່ງ ສັນຕິພາບ, ມິດຕະພາບ ແລະ ການຮ່ວມມືຢ່າງແທ້ຈິງ.

ລັດຖະມົນຕີກະຊວງການຕ່າງປະເທດ ເຂົ້າຮ່ວມພິທີສະຫຼອງວັນຊາດຫວຽດນາມ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ

lv cn1

lv cn2

     ໃນຕອນແລງຂອງວັນທີ 4 ກັນຍາ 2017, ທີ່ ໂຮງແຮມ ຄຼາວພາຊາ, ນະຄອນຫຼວງວຽງຈັນ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເຂົ້າຮ່ວມພິທີສະເຫຼີມສະຫຼອງວັນຊາດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ຄົບຮອບ 72 ປີ (2/9/1945-2/9/2017) ແລະ ວັນສ້າງຕັ້ງສາຍພົວພັນການທູດ ສປປ ລາວ-ສສ. ຫວຽດນາມ ຄົບຮອບ 55 ປີ (5/9/1962-5/9/2017), ຈັດໂດຍສະຖານເອກອັກຄະລັດຖະທູດ ແຫ່ງ ສສ. ຫວຽດນາມ ປະຈຳ ສປປ ລາວ. ໃຫ້ກຽດເຂົ້າຮ່ວມໃນພິທີຄັ້ງນີ້ມີ ທ່ານ ຈັນສີ ໂພສີຄຳ, ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກປະຊາຊົນ ປະຕິວັດລາວ, ມີບັນດາການນຳພັກ-ລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ບັນດາເອກອັກຄະລັດຖະທູດ ຕ່າງປະເທດ ແລະ ອົງການຈັດຕັ້ງສາກົນ ປະຈຳ ສປປ ລາວ, ພ້ອມທັງແຂກທີ່ຖືກເຊີນ ທັງລາວ ແລະ ຫວຽດນາມ.

ອ່ານເພີ່ມເຕີມ... 

ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ການທົດລອງ ລະເບີດນິວເຄຼັຍ/ໄຮໂດຼເຈນ ຢູ່ໃຕ້ດິນ ໂດຍ ສປປ ເກົາຫລີ ໃນວັນທີ 3 ກັນຍາ 2017

ສ​ປ​ປ ລາວ ສະ​ແດງ​ຄວາມ​ເປັນ​ຫວ່ງ​ຢ່າງ​ຍິ່ງ ຮ່ວມ​ກັບ​ວົງ​ຄະ​ນາ​ຍາດ​ສາ​ກົນ ຕໍ່​ເຫດ​ການ​ທົດ​ລອງ​     ລະ​ເບີດ​ນິວ​ເຄຼັຍ/ໄຮ​ໂດ​ຼ​ເຈນ ຢູ່​ໃຕ້​ດິນ​ ໂດຍ ສ​ປ​ປ ເກົາ​ຫລີ ໃນ​ວັນ​ທີ 3 ກັນ​ຍາ 2017 ເຊິ່ງ​ການ​ທົດ​ລອງ​ດັ່ງ​ກ່າວ​ ເປັນ​ການຂັດ​ກັບ​ຍັດ​ຕິ​ຂອງ​ສະ​ພາ​ຄວາມ​ໝັ້ນ​ຄົງ ສ​ປຊ ແລະ ອາດ​ຈະ​ເຮັດ​ໃຫ້​ຄວາມ​ເຄັ່ງ​ຕຶງ​ໃນ​ແຫຼມ​ເກົາ​ຫລີ​ເພີ່ມ​ຂຶ້​ນ, ຮຽກ​ຮ້ອງ​ໃຫ້​ທຸກ​ຝ່າຍ​ທີ່​ກ່ຽວ​ຂ້ອງ​ໃຊ້​ຄວາມ​ອົດ​ກັ້ນ ແລະ ພະ​ຍາ​ຍາມ​ຮ່ວມ​ກັນ ເພື່ອ​ປົກ​ປັກ​ຮັກ​ສາ​ສັນ​ຕິ​ພາບ ແລະ ຄວາມ​ໝັ້ນ​ຄົງ​ໃນ​ພາກ​ພຶ້ນ ແລະ ສາ​ກົນ. ສ​ປ​ປ ລາວ ຢືນ​ຢັນ​ທັດ​ສະ​ນະ​ອັນ​ສະ​ເໝີ​ຕົ້​ນ​ສະ​ເໝີ​ປາຍ ໃນ​ການ​ສະ​ໜັບ​ສະ​ໜູນ​ໃຫ້​ແຫຼມ​ເກົາ​ຫລີ​ ມີ​​​ສັນ​ຕິ​ພາບ, ສະຖຽນ​ລະ​ພາບ ແລະ ເປັນ​ເຂດ​ປອດ​ອາ​ວຸດ​ນິວ​ເຄຼັຍ, ພ້ອມ​ທັງ​ແກ້​ໄຂ​ບັນ​ຫາ​ຂໍ້​ຄັດ​ແຍ່ງ​ໂດຍ​ສັນ​ຕິ​ວິ​ທີ ແລະ ຜ່ານ​ການ​ເຈ​ລະ​ຈາ​ແບບ​ສ້າງ​ສັນ.

ວັ​ນ​ທີ 4 ກັນ​ຍາ 2017

ບົດຂ່າວອື່ນໆ

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
130331
ມື້ນີ້89
ມື້ວານ95
ອາທິດນີ້439
ເດືອນນີ້1728
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710