ໃນ​ຕອນ​ບ່າຍ​ຂອງ​ວັນ​ທີ 31 ຕຸລາ 2018 ທີ່ ກະຊວງ​ການ​ຕ່າງປະ​ເທດ,​ ທ່ານ ​ແສງ​ເພັດ ຮຸ່ງ​ບຸນ​ຍວງ, ​ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ ​ໄດ້​ຕ້ອນຮັບ​ການ​ເຂົ້າຢ້ຽມ​ຂ່ຳນັບ ​ແລະ ຍື່ນ​ຈົດໝາຍ​ແຕ່ງ​ຕັ້ງ​ຂອງ​ ທ່ານ ນາງ Mariam Asghar Khan, ຜູ້ຕາງໜ້າ​ຄົນໃໝ່ຂອງ​ ອົງການສະຫະ​ປະຊາ​ຊາດ ກອງ​ທຶນ​ສຳລັບ​ປະຊາກອນ (UNFPA) ປະຈຳ ສປປ ລາວ.​

ໃນວັນທີ 31 ຕຸລາ 2018, ທີ່ ກະຊວງການຕ່າງປະເທດ, ກອງປະຊຸມປຶກສາຫາລືລະດັບສູງ ລາວ-ອົດສະຕຣາລີ ໄດ້ໄຂຂຶ້ນ ໂດຍການເປັນປະທານຮ່ວມຂອງ ທ່ານ ນາງ ຄຳເພົາ ເອີນທະວັນ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ນາງ ຈູລີ ເຮັກເຊີ (Julie HECKSCHER), ຜູ້ຊ່ວຍລັດຖະມົນຕີ, ຮັບຜິດຊອບຂົງເຂດອາຊີຕາເວັນອອກສຽງໃຕ້, ກະຊວງການຕ່າງປະເທດ ແລະ ການຄ້າ ອົດສະຕຣາລີ; ມີຄະນະຜູ້ແທນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ.

ໃນວັນທີ 23 ຕຸລາ 2018, ທີ່ ກະຊວງການຕ່າງປະເທດ, ທ່ານ ນາງ ຄຳເພົາ ເອີນທະວັນ, ຮອງລັດຖະມົນຕີກະຊວງ​ການ​ຕ່າງປະ​ເທດ ​ແຫ່ງ ສປປ ລາວ ໄດ້ຕ້ອນຮັບ ແລະ ພົບປະກັບ ທ່ານ ນາງ Heud Subaih BAI Subaih, ລັດຖະມົນຕີກະຊວງສະຫວັດດີການສັງຄົມ ແລະ ແຮງງານ, ລັດຖະມົນຕີແຫ່ງລັດ ຮັບຜິດຊອບວຽກງານເສດຖະກິດ ແຫ່ງ ລັດກູເວດ, ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.