ທ່ານ ຄຳແພງ ໄຊສົມແພງ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ; ແລະ ທ່ານ ແສງເພັດ ຮຸ່ງບຸນຍວງ, ຮອງລັດຖະມົນຕີກະຊວງການຕ່າງປະເທດ, ຕາງໜ້າໃຫ້ລັດຖະບານລາວ ເປັນກຽດເຂົ້າຮ່ວມງານລ້ຽງສະເຫລີມສະຫລອງວັນຊາດ ສະຫະລັດ ອາເມລິກາ ຄົບຮອບ 241 ປີ (04/07/1776-04/07/2017), ໃນວັນທີ 06 ກໍລະກົດ 2017, ທີ່ ສະຖານທູດອາເມລິກາ ປະຈຳ ສປປ ລາວ, ນະຄອນຫລວງວຽງຈັນ.
ໃນວັນທີ 07 ກໍລະກົດ 2017, ທີ່ ສູນ ICTC, ສະຖາບັນການຕ່າງປະເທດ, ກະຊວງການຕ່າງປະເທດ ໄດ້ຈັດພິທີປິດ ແລະ ມອບໃບຢັ້ງຢືນ ໃຫ້ແກ່ສະມາຊິກພັກ, ພະນັກງານຫຼັກແຫຼ່ງ ພາຍໃນກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ, ຈຳນວນ 50 ທ່ານ ( ໃນນີ້ ມີພະນັກງານເພດຍິງ 18 ທ່ານ ) ທີ່ໄດ້ສຳເລັດການຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນ, ຊຸດທີ 1, ເຊິ່ງໄດ້ດຳເນີນມາແຕ່ວັນທີ 28 ເມສາເປັນຕົ້ນມາ ແລະ ສຳເລັດລົງໃນວັນທີ 07 ກໍລະກົດ 2017. ໃຫ້ກຽດເຂົ້າຮ່ວມງານໃນຄັ້ງນີ້ ມີ ທ່ານ ແສງເພັດ ຮຸ່ງບຸນຍ່ວງ, ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງການຕ່າງປະເທດ, ທ່ານ ຈອມແສງ ສະຫລີພົມ, ຫົວໜ້າກົມວິຊາການ, ສະຖາບັນການເມືອງ ແລະ ການປົກຄອງແຫ່ງຊາດ, ບັນດາທ່ານຜູ້ຕາງໜ້າຈາກກົມຕ່າງໆ ຂອງ ກະຊວງການຕ່າງປະເທດ, ຄະນະພົວພັນການຕ່າງປະເທດສູນກາງພັກ, ສະຖາບັນການເມືອງ ແລະ ການປົກຄອງແຫ່ງຊາດ ແລະ ນັກສຳມະນາກອນທັງໝົດຫຼາຍກວ່າ 100 ທ່ານ.
ໃນຕອນເຊົ້າຂອງວັນທີ 29 ມິຖຸນາ 2017, ທີ່ ກະຊວງການຕ່າງປະເທດ, ທ່ານ ນາງ ຄຳເພົາ ເອີນທະວັນ, ຮອງລັດຖະມົນຕີກະຊວງການຕ່າງປະເທດ, ໄດ້ຕ້ອນຮັບການເຂົ້າຢ້ຽມອຳລາຂອງ ທ່ານ ນາງ Meirav Eilon Shahar, ເອກອັກຄະລັດຖະທູດອິດສະຣາແອນ ປະຈຳ ສປປ ລາວ, ໃນໂອກາດສຳເລັດການປະຕິບັດໜ້າທີ່ການທູດ, ຊຶ່ງມີສຳນັກງານສະຖານເອກອັກຄະລັດຖະທູດ ຕັ້ງຢູ່ ຮ່າໂນ້ຍ, ສສ ຫວຽດນາມ.