ໃນ​ວັນ​ທີ 28 ​ເມສາ 2015, ທີ່ ຫໍ​ວັດທະນະທຳແຫ່ງ​ຊາດ, ນະຄອນຫລວງ​ວຽງ​ຈັນ, ຄະນະ​ບໍລິຫານ​ງານ​ຊາວ​ຫນຸ່ມ ກະຊວງ​ການ​ຕ່າງປະ​ເທດ ​ແລະ ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ ພ້ອມ​ດ້ວຍສະມາຊິກຊາວ​ຫນຸ່ມ ​ໄດ້​ເຂົ້າ​ຮ່ວມ​ພິທີ​ໂຮມ​ຊຸມ​ນຸມ​ໃຫຍ່ ​ແລະ ງານ​ວາງສະ​ແດງ​ຮູບ​ພາບ​ການ​ເຄື່ອນ​ໄຫວຂອງ​ຊາວ​ຫນຸ່ມຂະ​ແຫນງ​ການ​ຕ່າງໆ​ໃນ​ທົ່ວ​ປະ​ເທດ, ​ເນື່ອງ​ໃນ​ໂອກາດ​ວັນ​ສ້າງ​ຕັ້ງ ​ຄະນະ​ຊາວ​ຫນຸ່ມ ປະຊາຊົນ ປະຕິວັດ​ລາວ ຄົບຮອບ 60 ປີ (14 ​ເມສາ 1955 - 14 ​ເມສາ 2015).

ໃນຕອນເຊົ້າວັນທີ 25 ເມສາ 2015, ກະຊວງການຕ່າງປະເທດໄດ້ຈັດຕັ້ງຂະບວນການອອກແຮງງານອະນາໄມບໍລິເວນພາຍໃນ ແລະ ອ້ອມຂ້າງກະຊວງການຕ່າງປະເທດຂຶ້ນເພື່ອຄຳນັບຮັບຕ້ອນ ວັນກຳມະກອນສາກົນ ຄົບຮອບ 129 ປີ.

ໃນຕອນ​ເຊົ້າວັນທີ 9 ເມສາ 2015, ທີ່ ສູນ​ກາງ​ຊາວໜຸ່ມ ປະຊາຊົນ ປະຕິວັດລາວ, ຄະນະບໍລິຫານ ງານຊາວໜຸ່ມກະຊວງການຕ່າງປະເທດ ແລະ ຄຕພ, ນຳໂດຍ ສະຫາຍ ອານຸພາບ ວົງໜໍ່ແກ້ວ, ​ເລຂາຄະນະບໍລິຫານງານຊາວໜຸ່ມກະຊວງການຕ່າງປະເທດ ແລະ ຄຕພ ໄດ້ເຂົ້າອວຍພອນ ສະຫາຍ ດຣ. ວິໄລວົງ ບຸດດາຄຳ, ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດ​ລາວ ​ແລະ ບັນດາ​ສະຫາຍ​ໃນ​ຄະນະ, ເນື່ອງໃນໂອກາດວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 60 ປີ (14/04/1955-14/04/2015) ​ແລະ ອວຍພອນ​ປີ​ໃຫມ່​ລາວ ທີ່​ຈະ​ບັນຈົບ​ຄົບຮອບ​ມາ​ອີກ​ວາລະ​ຫນຶ່ງ.