ວັນທີ 26 ກໍລະກົດ 2018
ພະນະທ່ານ ປະທານປະເທດ (ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ)
ຂ້າພະເຈົ້າ ໄດ້ຮັບຂ່າວເສົ້າສະຫຼົດໃຈ ແລະ ໜ້າເສຍດາຍ ຢ່າງເຫຼືອລົ້ນ ກ່ຽວກັບເຫດສຸດວິໄສ ເຂື່ອນແຕກ ທີ່ແຂວງອັດຕະປື ໃນວັນທີ 23 ກໍລະກົດຜ່ານມາ ຊຶ່ງເຮັດໃຫ້ປະຊາຊົນຈຳນວນຫຼາຍ ໃນເຂດດັ່ງກ່າວເສຍຊີວິດ ແລະ ຫຼາຍພັນຄົນ ບໍ່ມີທີ່ຢູ່ອາໄສ.
ໃນນາມຕາງໜ້າລັດຖະບານ ແລະ ປະຊາຊົນ ສາທາລະນະລັດ ເກົາຫຼີ, ຂ້າພະເຈົ້າ ຂໍສະແດງຄວາມໂສກເສົ້າເສຍໃຈ ແລະ ແບ່ງເບົາ ຄວາມທຸກໂສກ ມາຍັງປະຊາຊົນລາວໂດຍສະເພາະ ແມ່ນຄອບຄົວທີ່ໄດ້ຮັບຜົນເສຍຫາຍຢ່າງໜັກໜ່ວງ ໃນຄັ້ງນີ້.
ນະຄອນຫຼວງວຽງຈັນ
ສະຫາຍ ບຸນຍັງ ວໍລະຈິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ຂ້າພະເຈົ້າ ຂໍສະແດງຄວາມເສົ້າສະຫຼົດໃຈມາຍັງທ່ານ ກໍຄືຄອບຄົວ ແລະ ປະຊາຊົນ ທີ່ໄດ້ຮັບຜົນກະທົບ ຈາກເຫດການອຸບັດຕິເຫດ ຂອງອ່າງເກັບນຳ້ສຳຮອງເຂື່ອນໄຟຟ້າ ເຊປຽນ-ເຊນຳ້ນ້ອຍ ແຕກ ຍ້ອນຝົນຕົກໜັກຕິດຕໍ່ກັນ ສອງອາທິດ ຢູ່ປະເທດລາວ.
ພະນະທ່ານ ບຸນຍັງ ວໍລະຈິດ
ປະທານປະເທດ ແຫ່ງ ສປປ ລາວ
ທີ່ ນະຄອນຫລວງວຽງຈັນ
ພະນະທ່ານ ປະທານປະເທດ,
ຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ຕໍ່ເຫດການໄພພິບັດນ້ຳຖ້ວມຢ່າງຮຸນແຮງ ຢູ່ແຂວງພາກໃຕ້ຂອງ ສປປ ລາວ, ຊຶ່ງເຮັດໃຫ້ມີການສູນເສຍຊີວິດ, ສັບສິນ ແລະ ຜູ້ສູນຫາຍ ເປັນຈຳນວນຫລວງ ຫລາຍ.