ໃນ​ວັນ​ທີ 03 ສິງຫາ 2016, ທີ່ ກະ​ຊວງ​ການ​ຕ່າງ​ປະ​ເທດ, ທ່ານ ​ແສງ​ເພັດ ຮຸ່ງ​ບຸນ​ຍວງ, ຮອງລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ, ໄດ້​ຕ້ອນ​ຮັບ​ການ​ເຂົ້າ​ຢ້ຽມ​ອຳ​ລາ​ຂອງ ທ່ານ Michel Goffin, ​ອຸປະ​ທູດ ອີ​ຢູ ປະ​ຈຳ ສ​ປ​ປ ລາວ. ໃນ​ໂອ​ກາດ​ນີ້, ທ່ານ ຮອງລັດ​ຖະ​ມົນ​ຕີ​ ໄດ້​ສະ​ແດງຄວາມຊົມ​ເຊີຍ​ຕໍ່​ທ່ານ​ ອຸປະ​ທູດ ທີ່​ໄດ້​ສຳ​ເລັດ​ການ​ປະຕິບັດ​ໜ້າ​ທີ່​ການ​ທູດ ຢູ່ ສ​ປ​ປ​ ລາວ ​ແລະ ​ ​ສະ​ແດງ​ຄວາມ​ຂອບ​ໃຈ​ຕໍ່​ການ​ຊ່ວຍ​ເຫຼືອຂອງ​ ອີ​ຢູ ​ໃຫ້​​ແກ່ ສປປ ລາວ ໃນ​​ໄລ​ຍະ​ຜ່ານ​ມາ, ອັນ​ໄດ້​ເປັນ​ການ​ປະກອບສ່ວນອັນ​ສຳຄັນ ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ ຢູ່ ສປປ ລາວ ​ເພື່ອ​ໃຫ້​ບັນລຸ​ເປົ້າ​ໝາຍ​ນຳ​ເອົາ​ປະ​ເທດ​ຫຼຸດ​ພົ້ນອອກ​ຈາກ​ ສະຖານະ​ພາບ​ດ້ອຍ​ພັດທະນາ​ໃນ​ປີ 2020.

ໃນວັນທີ 25 ກໍລະກົດ 2016, ທີ່​ ກະຊວງການຕ່າງປະເທດ, ທ່ານ ແສງເພັດ ຮຸ່ງບຸນຍວງ, ຮອງລັດຖະມົນຕີກະຊວງການຕ່າງປະເທດ ແລະ ທ່ານ ໄຊຮາມ ຢູດິນເອຊາມ, ເອກອັກຄະລັດຖະທູດ ແຫ່ງ ສາທາລະນະລັດ ອິດສະລາມ ປາກິດສະຖານ ປະຈຳ ສປປ ລາວ ທີ່ມີສຳນັກງານຕັ້ງຢູ່ ຮ່າໂນຍ ສສ. ຫວຽດນາມ ເປັນຜູ້ຕາງໜ້າລັດຖະບານຂອງສອງປະເທດ ໄດ້ລົງນາມ​ສັນຍາ​ຍົກ​ເວັ້ນວີ​ຊາ​ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລັດຖະບານ ສປປ ລາວ ແລະ ລັດຖະບານ ແຫ່ງ ສາທາລະນະລັດ ອິດສະລາມ ປາກິດສະຖານ.

ໃນ​ວັນ​ທີ 19 ກໍລະກົດ 2016,​​ ​ເວລາ 11:00 ​ໂມງ, ທ່ານ ​ແສງ​ເພັດ ຮຸ່ງ​ບຸນ​ຍວງ, ຮອງລັດຖະມົນຕີ​ກະຊວງ​ການ​ຕ່າງປະ​ເທດ ໄດ້ເດີນທາງໄປ ສະຖານທູດ ຝຣັ່ງ ປະຈຳລາວ ເພື່ອ​ເຊັນ​ປຶ້ມ​ໄຫວ້ອາ​ໄລ ຕໍ່​ຜູ້​ຖືກ​ເຄາະ​ຮ້າຍ​ຈາກ​ເຫດການກໍ່ການຮ້າຍທີ່ ເມືອງ ນິສ໌, ປະເທດ ຝຣັ່ງ. ຊຶ່ງມີເນື້ອໃນວ່າ: