ໃນ​ວັນ​ທີ 24 ມີ​ຖຸນາ 2016, ທີ່​ກະຊວງ​ການ​ຕ່າງປະ​ເທດ, ​ໄດ້​ມີ​ພິທີ​ມອບ-ຮັບ​ເຄື່ອງ​ຊ່ວຍ​ເຫຼືອ ຈາກ​ສະຖານ​ເອກ​ອັກຄະ​ລັດຖະທູດ​ຈີນ ປະຈຳ ສປປ ລາວ ​ໃຫ້​ແກ່​ກະຊວງ​ການ​ຕ່າງປະ​ເທດ ​ໂດຍ​​ແມ່ນ ທ່ານ ກວນ ຮົວປິ່ງ, ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ ​ແຫ່ງ ສປ ຈີນ ປະຈຳ ສປປ ລາວ ​ເປັນ​ຜູ້​ກ່າວ​ມອບ ​ແລະ ທ່ານ ນາງ ຄຳ​ເພົາ ​ເອີນ​ທະ​ວັນ,​ ຮອງ​ລັດຖະມົນຕີກະຊວງ​ການ​ຕ່າງປະ​ເທດ ​ເປັນ​ຜູ້ກ່າວ​ຮັບ, ມີ​ບັນດາຫົວໜ້າກົມ, ຮອງ​ກົມ ​ແລະ ພະນັກງານ​ທັງສອງ​ຝ່າຍ ​ເຂົ້າ​ຮ່ວມ​ເປັນ​ສັກຂີ​ພິຍານ.

ໃນ​ຕອນ​ເຊົ້າ​ຂອງ​ວັນ​ທີ 20 ​ມິຖຸນາ 2016, ທີ່ກະຊວງ​ການ​ຕ່າງປະ​ເທດ, ທ່ານ ​ແສງ​ເພັດ ຮຸ່ງ​ບຸນ​ຍວງ, ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ ​ໄດ້​ຕ້ອນຮັບ​ການ​ເຂົ້າ​ຢ້ຽມ​ຄຳນັບ​ ​ແລະ ຍື່ນສານ​ແຕ່ງ​ຕັ້ງ​ເປັນ​ຫົວໜ້າ​ກົງສຸນ​ໃຫຍ່ ​ແຫ່ງ ຣາຊະ​ອານາຈັກ ກຳປູ​ເຈ​ຍ ປະຈຳປາກ​ເຊ, ​ແຂວງ​ຈຳປາ​ສັກ ຂອງ​ທ່ານ ຮອຍ ​ໂຊ​ພຽບ (Hoy Sopheap).

ໃນຕອນເຊົ້າຂອງວັນທີ 16 ມິຖຸນາ 2016, ທີ່ສະໜາມບິນສາກົນວັດໄຕ, ນະຄອນຫຼວງວຽງຈັນ ໄດ້ຈັດພິທີມອບ-ຮັບກະດູກ ແລະ ສິ່ງເສດເຫຼືອຂອງທະຫານອາເມລິກາທີ່ເສຍຊິີວິດ ໃນປາງສົງຄາມຢູ່ລາວ ຈາກຜົນຂອງການປະຕິບັດງານຮ່ວມ ລາວ-ອາເມລິກາ ໃນການຂຸດຄົ້ນເພື່ອຊອກຫາ ຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາໃນປາງສົງຄາມຢູ່ລາວ, ຄັ້ງທີ 3 ແລະ 4 ປະຈໍາສົກປີ 2015-2016, ຢູ່ກໍລະນີ 1552 ບໍລິເວນບ້ານມາກາ, ເມືອງນາກາຍ, ແຂວງຄໍາມ່ວນ, ກໍລະນີ 1529 ບໍລິເວນບ້ານອໍອັນ, ເມືອງແປກ, ກໍລະນີ 1408 ບໍລິເວນບ້ານຄາບ, ເມືອງຄູນ, ແຂວງຊຽງຂວາງ ແລະ ກໍລະນີ 1541 ບໍລິເວນບ້ານນາກູດ, ເມືອງຮ້ຽມ, ແຂວງຫົວພັນ.