ໂດຍຕອບ​ສະ​ໜອງ​ຕາມ​ຄຳ​ເຊີນ​ຂອງ ສະ​ຫາຍ ຟ້າມ ມິງ ຈິງນາ​ຍົກ​ລັດ​ຖະ​ມົນ​ຕີ ແຫ່ງ ສາ​ທາ​ລະ​ນະ​ລັດ ສັງ​ຄົມ​ນິ​ຍົມ ​ຫວຽດ​ນາມ, ສະ​ຫາຍ ​ພັນ​ຄຳ ວິ​ພາ​ວັນນາ​ຍົກ​ລັດ​ຖະ​ມົນ​ຕີ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ພ້ອມດ້ວຍຄະ​ນະຜູ້​ແທນ​ຂັ້ນ​ສູງ ໄດ້​ເດີນ​ທາງ​ໄປ​ຢ້ຽມ​ຢາມ​ ສສ ຫວຽດນາມ ຢ່າງເປັນທາງການ ໃນລະຫວ່າງ​ວັນ​ທີ 08-10 ມັງ​ກອນ 2022, ເພື່ອ​ຮັດ​ແໜ້ນ ແລະ ເສີມ​ຂະ​ຫຍາຍ​ສາຍ​ພົວ​ພັນ​ມິດ​ຕະ​ພາບ​ທີ່​ຍິ່ງ​ໃຫຍ່, ຄວາມ​ສາ​ມັກ​ຄີ​ພິ​ເສດ ແລະ ການ​ຮ່ວມ​ມື​ຮອບ​ດ້ານ ​ລະ​ຫວ່າງ​ສອງ​ປະ​ເທດ ລາວ ແລະ ຫວຽດ​ນາມ.

ໃນວັນທີ 6 ມັງກອນ 2022, ທີ່ ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ພົບປະທາງໄກ (Virtual Meeting) ກັບ ທ່ານ ນ. Noeleen Heyzer, ຜູ້ຕາງໜ້າພິເສດຂອງເລຂາທິການໃຫຍ່ ອົງການສະຫະປະຊາຊາດ ຮັບຜິດຊອບບັນຫາມຽນມາ ຄົນໃໝ່ (Special Envoy of the Secretary-General on Myanmar) ພາຍຫຼັງຖືກແຕ່ງຕັ້ງໂດຍທ່ານເລຂາທິການໃຫຍ່ ສປຊ ເພື່ອປ່ຽນແທນຜູ້ເກົ່າທີ່ໝົດວາລະລົງ.    

          ໃນໂອກາດດັ່ງກ່າວ, ທ່ານ ລັດຖະມົນຕີກະຊວງການຕ່າງປະເທດໄດ້ສະແດງຄວາມຍິນດີຕໍ່ ທ່ານ ນ. Noeleen Heyzer, ທີ່ຖືກແຕ່ງຕັ້ງໃຫ້ດຳລົງຕຳແໜ່ງທີ່ມີກຽດ ແລະ ໄດ້ຮັບມອບໝາຍໜ້າທີ່ອັນສຳຄັນໃນຄັ້ງນີ້ ພ້ອມທັງ ໄດ້ໃຫ້ຄຳໝາຍໝັ້ນວ່າ ສປປ ລາວ ຈະສືບຕໍ່ຮ່ວມມືກັບອົງການ ສປຊ ໃນດ້ານຕ່າງໆ ໂດຍສະເພາະຈະຮ່ວມມືຢ່າງໃກ້ຊິດ ແລະ ສະໜັບສະໜູນການປະຕິບັດໜ້າທີ່ຂອງຜູ້ຕາງໜ້າພິເສດຂອງເລຂາທິການໃຫຍ່ ສປຊ. ພ້ອມດຽວກັນນີ້, ທ່ານ ນ. Noeleen Heyzer ກໍ່ໄດ້ແນະນຳຕົນເອງ ແລະ ສະເໜີແນວທາງໃນການປະຕິບັດໜ້າທີ່ຂອງຕົນ ໂດຍໃຫ້ຄວາມສຳຄັນ ແລະ ໃຫ້ຄຳໝາຍໝັ້ນໃນການຮ່ວມມືກັບອາຊຽນ ແລະ ປະເທດຕ່າງໆໃນພາກພື້ນ, ອົງການຈັດຕ້ັງສາກົນ ແລະ ທຸກຝ່າຍທີ່ກ່ຽວຂ້ອງ ເພື່ອພ້ອມກັນຊອກວິທີແກ້ໄຂບັນຫາມຽນມາ.

ການພົບປະຄັ້ງນີ້ ເປັນການປະກອບສ່ວນອັນສຳຄັນໃນການສົ່ງເສີມຄວາມເຂົ້າໃຈຕໍ່ສະພາບຂອງພາກພື້ນ ກໍຄື ການຮ່ວມມື ລະຫວ່າງປະເທດສະມາຊິກອາຊຽນ ແລະ ອົງການ ສປຊ ໃນດ້ານຕ່າງໆ ລວມທັງ ການພັດທະນາແບບຍືນຍົງ.

ໃນໄລຍະປີ 2007-2014, ທ່ານ ນ. Noeleen Heyzer ໄດ້ຖືກແຕ່ງຕັ້ງເປັນຮອງເລຂາທິການໃຫຍ່ ສປຊ, ເລຂາຄະນະບໍລິຫານງານຄະນະກຳມາທິການເສດຖະກິດ-ສັງຄົມ ສປຊ ປະຈຳພາກພື້ນອາຊີ-ປາຊີຟິກ (The United Nations Economic and Social Commission for Asia and the Pacific/ UNESCAP) ແລະ ໄດ້ມາຢ້ຽມຢາມ  ສປປ ລາວ ຢ່າງເປັນທາງການ ໃນປີ 2013 ໃນຖານະແຂກຂອງລັດຖະບານ. ການຢ້ຽມຢາມຄັ້ງນັ້ນ ໄດ້ສົ່ງເສີມການຮ່ວມມື ລະຫວ່າງ ສປປ ລາວ ແລະ UNESCAP ໃນດ້ານຕ່າງໆ.

ກອງປະຊຸມປຶກສາຫາລືດ້ານການເມືອງ ຂັ້ນລັດຖະມົນຕີ ລະຫວ່າງ ສອງກະຊວງການຕ່າງປະເທດ ລາວ ແລະ ຫວຽດນາມ ຄັ້ງທີ 8

 ກອງປະຊຸມສາມັນປະຈຳປີ ຄັ້ງທີ XXXI ລະຫວ່າງ ຄະນະຜູ້ແທນຊາຍແດນ ລາວ-ຫວຽດນາມ

 ກອງປະຊຸມສະຫຼຸບການຈັດຕັ້ງ​ປະຕິບັດການເຮັດທົດລອງຮູບແບບກວດກາ “ປະຕູດຽວ, ຄັ້ງດຽວ” ຢູ່ຄູ່ດ່ານສາກົນແດນສະຫວັນ (ສະຫວັນນະເຂດ) - ລາວບາວ (ກວາງຈິ)

ໂດຍຕອບ​ສະ​ໜອງ​ຕາມ​ຄຳ​ເຊີນ​ຂອງ ສະ​ຫາຍ ບຸ່ຍ ແທັງ ເຊີນ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ ແຫ່ງ ສາ​ທາ​ລະ​ນະ​ລັດ ສັງ​ຄົມ​ນິ​ຍົມ ຫວຽດ​ນາມ, ສະ​ຫາຍ ສະເຫຼີມໄຊ ກົມມະສິດ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ໄດ້ນໍາພາ​ຄະ​ນະຜູ້​ແທນ ​​ກະ​ຊວງ​ການ​ຕ່າງ​ປະ​ເທດ ເດີນ​ທາງ​ຢ້ຽມ​ຢາມ​ ສສ ຫວຽດນາມ ຢ່າງ​ເປັນທາງ​ການ ໃນລະຫວ່າງວັນ​ທີ 27-29 ທັນ​ວາ 2021. ຈຸດປະສົງຂອງການຢ້ຽມຢາມ ສສ ຫວຽດນາມ ໃນຄັ້ງນີ້ ແມ່ນເພື່ອ​ເສີມ​ຂະ​ຫຍາຍ ແລະ ຮັດ​ແໜ້ນການພົວພັນຮ່ວມມື ລະຫວ່າງສອງກະຊວງການຕ່າງປະເທດ ລາວ ແລະ ຫວຽດນາມ ກໍ່ຄື ສາຍ​ພົວ​ພັນ​ມິດ​ຕະ​ພາບ​ອັນຍິ່ງໃຫຍ່, ຄວາມ​ສາ​ມັກ​ຄີ​ພິ​ເສດ ແລະ ການ​ຮ່ວມ​ມືຮອບ​ດ້ານ ລະ​ຫວ່າງ ລາວ ແລະ ຫວຽດນາມ ໃຫ້​ແໜ້ນ​ແຟ້ນ​ຍິ່ງໆ​ຂຶ້ນ.