ໃນວັນ​ທີ 18-19 ພຶດສະພາ 2016 ນີ້, ທ່ານ ນາງ Tone Skogen, ຮອງລັດຖະມົນຕີ​ກະ​ຊວງ​ການ​ຕ່າງ​ປະ​ເທດ ແຫ່ງ ຣາ​ຊະ​ອາ​ນາ​ຈັກ​ ນອກ​ແວ, ພ້ອມ​ດ້ວຍ​ຄະ​ນະ ໄດ້​ເດີນທາງຢ້ຽມ​ຢາມ​ສັນ​ທະ​ວະ​ໄມ​ຕີ ຢ່າງ​ເປັນ​ທາງ​ການ ຢູ່ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ.

ໃນ​ວັນ​ທີ 18 ພຶດສະພາ 2016, ກະຊວງ​ການ​ຕ່າງປະ​ເທດ ໄດ້ຈັດ​ປາຖະກະ​ຖາ ຫວນຄືນວັນ​ປະ​ຫວັດ​ສາດສຳຄັນ​ຂອງ​ຊາດ ​ແລະ ສາກົນ ຂຶ້ນ​, ​ເຊິ່ງ​ເອກະສານ​ທີ່​ນຳ​ມາ​ເຜີຍ​ແຜ່ ​ປະກອບ​ມີ 6 ​ເອກະສານ​ ຄື: ວັນ​ຜ່າ​ວົງ​ປິດ​ລ້ອມ ​ຂອງ​ກອງພັນ​ທີ 2 ວິລະ​ຊົນ ທີ່​ທົ່ງ​​ໄຫ​ຫີນ ຊຽງຂວາງ ຄົບຮອບ 57 ປີ (18/5/1960-18/5/2016), ວັນ​ວິລະ​ກຳ​ໂຕນ​ຄຸກ​ ຢ່າງ​ມະຫັດສະຈັນ ​ຂອງ​ບັນດາ​ຜູ້ນຳ​ພັກ ​ແລະ ​ແນວ​ລາວ​ສ້າງ​ຊາດ​ ຄົບຮອບ 56 ປີ (24/5/1960-24/5/2016), ວັນ​ເກີດ​ຂອງ​ປະທານ ໂຮ່ຈີ່ມິນ ຄົບຮອບ 126 ປີ (19/5/1890-19/5/2016), ວັນ​​ເກີ​ດ ທ່ານ ກາກ​ມາກ ຄົບຮອບ 198 ປີ (5/5/1818-5/5/2016), ວັນ​ໄຊຊະນະ ດຽນບຽນຟູ ຄົບຮອບ 62 ປີ (7/5/1954-7/5/2016) ​ແລະ ວັນ​ໄຊຊະນະ ຂອງສະ​ຫະພາບ​ໂຊ​ວຽດ ​ເໜືອຟາດ​ຊິດ​ເຢຍລະ​ມັນ ​ໃນ​ສົງ​ຄົມ​ໂລກ​ຄັ້ງ​ທີ II ຄົບຮອບ 71 ປີ (9/5/1945-9/5/2016), ​ໃຫ້ກຽດ​ເຜີຍ​ແຜ່​ເອກະສານ ​ໂດຍ ​ທ່ານ ​ນາງ ຄຳ​ເພົາ ​ເອີນ​ທະ​ວັນ, ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ, ພ້ອມ​ດ້ວຍພະນັກງານ​​ ເຂົ້າຮ່ວມ​ຫລາຍ​ກວ່າ 400 ທ່ານ.

ຫວ່າງບໍ່ດົນມານິ້, ທີ່ ກະຊວງ​ການ​ຕ່າງປະ​ເທດ, ທ່ານ ​ແສງ​ເພັດ ຮຸ່ງ​ບຸນ​ຍວງ, ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ ​ແຫ່ງ ສປປ ລາວ ​ໄດ້​ຕ້ອນຮັບ​ການ​ເຂົ້າ​ຢ້ຽມ​ຂໍ່ານັບ​ຂອງ ທ່ານ ນາງ Cait Moran, ​ເອກ​ອັກຄະລັດຖະທູດ ​ແຫ່ງ ສາລະ​ນະ​ລັດ ອຽກລັງ ປະຈຳ ສປປ ລາວ ຄົນ​ໃໝ່, ຊຶ່ງ​ມີ​ສຳນັກງານ​ຕັ້ງ​ຢູ່ ຮ່າ​ໂນ້ຍ, ສສ ຫວຽດນາມ.