ໃນວັນທີ 2 ສິງ​ຫາ 2018 ທີ່ ສິງກະໂປ, ທ່ານ ສະເຫລີມໄຊ ກົມມະສິດ, ລັດຖະມົນຕີ​ກະຊວງ​ການ​ຕ່າງ   ປະ​ເທດ ໄດ້​ນຳພາ​ຄະນະ​ຜູ້​ແທນລາວ​ ເຂົ້າຮ່ວມພິທີເປິດກອງ​ປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51    ພາຍໃຕ້ ຄໍາຂວັນ: “ອາຊຽນເຂັ້ມແຂງ ແລະ ທັນສະໄຫມ” ທີ່ ສິງກະໂປ.

ໃນຕອນບ່າຍຂອງວັນທີ 1 ສິງຫາ 2018, ທ່ານ ສະ​ເຫລີ​ມ​​ໄຊ ກົມມະ​ສິດ, ລັດຖະມົນຕີກະຊວງການຕ່າງປະເທດ, ໄດ້ນໍາພາຄະນະຜູ້ແທນລາວ ເຂົ້າຮ່ວມກອງປະຊຸມພົບປະລະຫວ່າງ ລັດຖະມົນຕີຕ່າງປະເທດອາຊຽນ ແລະ ຄະນະກໍາມາທິການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດ (ໄອຈາ) ແລະ ກອງປະຊຸມຄະນະກໍາມາທິການ ເຂດປອດອາວຸດນິວເຄລຍ ໃນອາຊີຕາເວັນອອກສ່ຽງໃຕ້.

ໃນຕອນຄໍ່າວັນທີ 27 ກໍລະກົດ 2018 ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ Lim Jock Hoi, ເລຂາທິການໃຫຍ່ອາຊຽນ ພ້ອມດ້ວຍຄະນະ ໃນໄລຍະເດີນທາງມາມອບເຄື່ອງຊ່ວຍເຫຼືອ ໃຫ້ແກ່ຜູ້ປະສົບໄພທີ່ໄດ້ຮັບຜົນກະທົບຈາກເຫດການອຸບັດຕິເຫດໂຄງການເຂື່ອນໄຟຟ້າ ເຊປຽນ-ເຊນໍ້ານ້ອຍ ທີ່ ແຂວງອັດຕະປື.