ໃນຕອນເຊົ້້າຂອງວັນທີ 15 ມິຖຸນາ 2016, ທີ່ ນະຄອນຫຼວງດິລິ, ສະທາລະນະລັດ ປະຊາທິປະໄຕ ຕີມໍ ເລັດສະເຕ, ທ່ານ ນາງ ພາວັນ ນວນທະສິງ ໄດ້ຍື່ນສານຕາຕັ້ງຕໍ່ ພະນະທ່ານ ເຕົາ ມາເຕັນ ຣຸອັກ (Taur Matan RUAK), ປະທານາທິບໍດີ ແຫ່ງ ສະທາລະນະລັດ ປະຊາທິປະໄຕ ຕີມໍ ເລັດສະເຕ ເພື່ອດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສະທາລະນະລັດ ປະຊາທິປະໄຕ ປະຊາຊົນລາວ ຄົນໃໝ່ ປະຈຳ ສະທາລະນະລັດ ປະຊາທິປະໄຕ ຕີມໍ ເລັດສະເຕ ໂດຍມີສຳນັກງານຕັ້ງຢູ່ ນະຄອນຫຼວງຈາກາຕາ, ສະທາລະນະລັດ ອິນໂດເນເຊຍ.
ໃນວັນທີ 15 ມິຖຸນາ 2016, ເວລາ 18:30 ໂມງ, ສະຖານເອກອັກຄະລັດຖະທູດ ແຫ່ງ ສປປ ລາວ ໄດ້ຈັດງານລ້ຽງສະເຫຼີມສະຫຼອງວັນສ້າງຕັ້ງສາຍພົວພັນການທູດ ລະຫວ່າງ ລາວ-ກຳປູເຈຍ ຄົບຮອບ 60 ປີ (15/06/1956-15/06/2016) ຢ່າງຄຶກຄື້ນ ແລະ ມີຄວາມໝາຍສໍາຄັນຢ່າງຍິ່ງ ທາມກາງບັນຍາກາດທີ່ເຕັມໄປດ້ວຍໄມຕິຈິດມິດຕະພາບຂອງບັນດາແຂກທີ່ເຂົ້າມາຮ່ວມງານ ໂດຍເປັນກຽດເຂົ້າຮ່ວມຂອງ ພະນະທ່ານ ລີ ທົດ, ລັດຖະມົນຕີອາວຸໂສ, ລັດຖະມົນຕີປະຈໍາສໍານັກງານາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ, ບັນດາສະມາຊິກສະພາສູງ, ສະມາຊິກສະພາແຫ່ງຊາດ, ລັດຖະມົນຕີວ່າການ, ຊ່ວຍວ່າການ, ຫົວໜ້າກົມ, ຮອງຫົວໜ້າກົມ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ບັນດາທູຕານຸທູດ, ອົງການຈັດຕັ້ງສາກົນ ແລະ ນັກທຸລະກິດ ຕະຫຼອດຮອດບັນດານັກສຶກສາລາວ ແລະ ຄອບຄົວຄົນລາວທີ່ດໍາລົງຊີວິດຢູ່ຣາຊະອານາຈັກ ກໍາປູເຈຍ ເຂົ້າຮ່ວມ ລວມທັງໝົດ 300 ກວ່າທ່ານ.
ໃນຕອນເຊົ້າຂອງວັນທີ 14 ມີຖຸນາ 2016, ທີ່ ສະຖານເອກອັກຄະລັດຖະທູດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາຣາຊະອານາຈັກໄທ ທີ່ ບາງກອກ, ໄດ້ເປີດບັ້ນ ເຊື່ອມຊຶມມະຕິ ກອງປະຊຸມໃຫຍ່ ຄັ້ງທີ X ຂອງພັກ ໃຫ້ສະມາຊິກພັກ, ພະນັກງານສະຖານທູດ ໂດຍການບັນຍາຍຂອງ ສະຫາຍ ຫລີ ບຸນຄ້ຳ, ເລຂາໜ່ວຍພັກ ທັງເປັນເອກອັກຄະລັດຖະທູດ ແຫ່ງ ສປປ ລາວ ປະຈຳຣາຊາອານາຈັກໄທ.