ຕອນ​ບ່າຍວັນ​ທີ 25/11/2021, ສະຖານ​ທູດ​ລາວ​ ທີ່ ນະຄອນຫຼວງຮ່າ​ໂນ້ຍ ​ໄດ້ຈັດ​ຕັ້ງການ​ປາຖະກະຖາເນື່ອ​ງໃນ​ໂອກາດ​ວັນຊາດ​ທີ 02 ທັນວາ ຄົບຮອບ 46 ປີ ແລະ ວັນ​ຄ້າຍ​ວັນ​ເກີດ​ປະທານ​ໄກສອນ ​ພົມວິຫານຄົບຮອບ 101 ປີ ​ແລະ ​ເອກ​ະສານ​ສຳ​ຄັນ​ຈຳນວນ​ໜຶ່ງ ​ໂດຍ​ການ​ໃຫ້​ກຽດ​ເຂົ້າ​ຮ່ວມ​​ເປັນ​ປະທານຂອງ ສະຫາຍ ​ແສງ​ເພັດ ຮຸ່ງ​ບຸນ​ຍວງ, ​ເລຂາ​ຄະນະ​ພັກ​ຮາກ​ຖານ​ສະຖານທູດ, ​​ເອກອັກຄະ​ລັດຖະທູດວິສາມັນຜູ້​ມີ​ອຳນາດ​ເຕັມ ​ແຫ່ງ ສປປ ລາວ ປະຈຳ ສສ ຫວຽດນາມ, ຊຶ່ງເຂົ້າ​ຮ່ວມ​ຮັບ​ຟັງ​ມີ​ສະມາຊິກ​ພັກ-ພະນັກງານ​ສະຖານທູດ, ມີຫ້ອງການ​ຜູ້ຕາງໜ້າ ປກສ ລາວ ປະຈຳ​ ສສ ຫວຽດນາມ, ຫ້ອງການຜູ້ຕາງໜ້າລັດ​ວິ​ສະຫະກິດການບິນ​ລາວ ສາຂາ​ນະຄອນ ຫຼວງ​ຮ່າ​ໂນ້ຍ, ທັງ​ໝົດຈຳນວນ 40 ສະຫາຍ.

ວັນທີ 19 ພະຈິກ 2021, ໂດຍຕອບສະໜອງຕາມການເຊື້ອເຊີນຂອງ ທ່ານ ຟາ​ມ ກວກ ຈິງ (PhạmQuốc Chính), ປະທານ​ສະພາ​ບໍລິຫານ, ທັງ​ເປັນຜູ້ອຳນວຍການໃຫຍ່ບໍລິສັດ​ຫຸ້ນ​ສ່ວນທໍ່ຢາງ​ຊຸບ​ເປີ​ເຈື່ອງ​ຟັດ,  ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດວິສາມັນຜູ້​ມີ​ອຳນາດ​ເຕັມ​ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະ​ໄດ້ໄປພົບປະເຮັດວຽກກັບ ບໍລິສັດ ​ແລະ ຢ້ຽມຢາມ​ໂຮງ​ງານທໍ່ຢາງຊຸບເປີ​ເຈືອງ​ຟັດຢູ່​ແຂວງ​ບັກ​ນິງ.

ໃນຕອນເຊົ້າຂອງ ວັນທີ 22 ພະຈິກ2021,ສະຖາບັນການຕ່າງປະເທດ, ກະຊວງການຕ່າງປະເທດ ຮ່ວມກັບ ສະຖາບັນລາວ-ອົດສະຕຣາລີ (Laos-AustraliaInstitute) ໄດ້ຈັດພິທີເປີດຝຶກອົບຮົມໃນຫົວຂໍ້ “ການຂຽນບົດຄົ້ນຄວ້າ (Research Methodology)”ຢູ່ສະຖາບັນການຕ່າງປະເທດໂດຍໃຫ້ກຽດເຂົ້າຮ່ວມເປັນປະທານ ຂອງ ທ່ານ ທູດ ໄມ ໄຊຍະວົງສ໌, ຫົວໜ້າສະຖາບັນການຕ່າງປະເທດ ແລະ ທ່ານ MatthewBanks, ເລຂານຸການເອກຂອງສະຖານທູດອົດສະຕຣາລີ ປະຈໍາ ສປປ ລາວ, ຊຶ່ງມີຜູ້ຕາງໜ້າຈາກສະຖານທູດອົດສະຕາລີ, ສະຖາບັນລາວ-ອົດສະຕຣາລີ ແລະ ຜູ້ເຂົ້າຮ່ວມຝຶກອົບຮົມ ຈຳນວນ 20ທ່ານ, ຍິງ 11 ທ່ານ ທີ່ມາຈາກບັນດາກົມຕ່າງໆພາຍໃນກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ.