ໃນຕອນເຊົ້າຂອງວັນທີ 9 ເມສາ 2018, ທີ່ ສະໜາມບິນສາກົນ ປາກເຊ, ແຂວງຈໍາປາສັກ ໄດ້ມີການຈັດພິທີມອບ-ຮັບ ສິ່ງເສດເຫຼືອຂອງທະຫານອາເມລິກາ ທີ່ໄດ້ເສຍຊິີວິດໃນປາງສົງຄາມຢູ່ລາວ ທີ່ໄດ້ຄົ້ນພົບຈາກການປະຕິບັດງານຮ່ວມໃນພາກສະໜາມ ລະຫວ່າງ ລາວ-ອາເມລິກາ ຄັ້ງທີ 2 ແລະ 3 ປະຈໍາສົກປີ 2017-2018, ຢູ່ເຂດ ແຂວງຄໍາມ່ວນ.
ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງປະເທດ, ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມປຶກສາຫາລື ອາຊຽນ-ສະຫະລັດ ອາເມລິກາ ຄັ້ງທີ 31, ຊຶ່ງໄດ້ຈັດຂຶ້ນໃນວັນທີ 2-3 ເມສາ 2018 ທີ່ເຊລັງກໍ, ມາເລເຊຍ, ພາຍໃຕ້ການເປັນປະທານຮ່ວມຂອງ ທ່ານ Dato’ Ramlan Ibrahim, ຫົວໜ້າຫ້ອງການກະຊວງການຕ່າງປະເທດ, ທັງເປັນເຈົ້າໜ້າທີ່ອາວຸໂສອາຊຽນຂອງມາເລເຊຍ ແລະ ທ່ານ ນາງ Susan Thornton, ຮັກສາການຜູ້ຊ່ວຍລັດຖະມົນຕີ, ທັງເປັນເຈົ້າໜ້າທີ່ອາວຸໂສອາຊຽນຂອງ ສະຫະລັດ ອາເມລິກາ.
ໃນວັນທີ 3-4 ເມສາ 2018, ທີ່ ໂຮງແຮມຄຣາວພຣາຊາ, ນະຄອນຫຼວງວຽງຈັນ, ກະຊວງການຕ່າງປະເທດ ຮ່ວມກັບສໍານັກງານການທູດ ສ.ເກົາຫຼີ ປະຈໍາອາຊຽນ ໄດ້ຈັດກອງປະຊຸມສໍາມະນາກ່ຽວກັບການສົ່ງເສີມກົນໄກການຮ່ວມມືອາຊຽນ-ສ.ເກົາຫຼີ ຄັ້ງທີ 3” ໂດຍການສະໜັບສະໜູນຈາກໜ່ວຍງານຄຸ້ມຄອງໂຄງການ ອາຊຽນ-ສ.ເກົາຫຼີ ທີ່ີມີຫ້ອງການຕັ້ງຢູ່ນະຄອນຫຼວງຈາກາກຕາ, ປະເທດອິນໂດເນເຊຍ, ໂດຍມີຜູ້ເຂົ້າຮ່ວມຈາກກະຊວງ, ຂະແໜງການອ້ອມຂ້າງສູນກາງ ແລະ ຄະນະຜູ້ແທນ ສ.ເກົາຫຼີ ລວມທັງໝົດ 100 ກວ່າທ່ານ.